قازاقستاندا وندىرىلەتىن كەيبىر ونىمدەر يمپورتتان دا ساپالى - بەيبىت اتامقۇلوۆ

None
None
نۇر- سۇلتان. قازاقپارات - بيىل يندۋستريالاندىرۋ جوبالارىندا 17 مىڭ تۇراقتى جۇمىس ورنى قۇرىلدى. بۇل تۋرالى ق ر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ ايتىپ بەردى، دەپ حابارلايدى قازاقپارات ءتىلشىسى.

«جىل سايىن يندۋستريالاندىرۋ كارتاسى اياسىندا جوبالار ىسكە قوسىلادى. 2015-2019 -جىلدارى ىشىندە 5,2 تىريلليون تەڭگەگە 556 جوبا ەنگىزىلدى، 85 مىڭ تۇراقتى جۇمىس ورنى قۇرىلدى. ال 2020 -جىلى اكىمدىكتەردىڭ دەرەكتەرى بويىنشا 17 مىڭنان استام تۇراقتى جۇمىس ورنىن قۇرىپ، 1,1 تىريلليون تەڭگەگە 160 جوبانى ىسكە قوسۋ جوسپارلانۋدا»، - دەدى سپيكەر ورتالىق كوممۋنيكاتسيالار قىزمەتىندە وتكەن ەسەپ بەرۋ بريفينگىندە.

ءمينيستردىڭ ايتۋىنشا، يندۋستريالاندىرۋ جىلدارى وڭدەۋشى ونەركاسىپ سالالارىن دامىتۋدا ايتارلىقتاي وزگەرىستەر بولدى.

«مىسالى، جەڭىل ونەركاسىپتە شاعىن جانە ورتا بيزنەستى ىنتالاندىرا وتىرىپ، ءبىز وسى سالانى ءىس جۇزىندە قايتا جانداندىرا الدىق. قازىرگى ۋاقىتتا ەلىمىزدە ماتا، كىلەم، بالالار مەن ەرەسەكتەر كيىمى، شۇلىق ونىمدەرى، اياق كيىم، باس كيىم جانە تاعى دا باسقا تاۋارلار وندىرىلەدى. بۇل رەتتە ولاردىڭ ساپاسى يمپورتتىق ونىمنەن كەم تۇسپەيدى، كەيدە ودان دا اسىپ تۇسەدى»، - دەدى ب. اتامقۇلوۆ.

ءمينيستردىڭ ايتۋىنشا، قازاقستاندا وڭدەۋ ونەركاسىبىندە 1 مىڭنان استام كومپانيا جۇمىس ىستەيدى، وندا 17,9 مىڭ ادام ەڭبەك ەتەدى.

سوڭعى جاڭالىقتار