تەمىرتاۋ قالاسىنىڭ اكىمى كوروناۆيرۋس جۇقتىردى

تەمىرتاۋ قالاسىنىڭ اكىمى عالىم اشىموۆتە كوروناۆيرۋستىق ينفەكسيا انىقتالعانى تۋرالى اقپاراتتى قاراعاندى وبلىسى اكىمدىگىنىڭ باسپا ءسوز قىزمەتىندە راستادى.

«وتكىزىلگەن تەست ناتيجەسى تەمىرتاۋ قالاسى اكىمىندە كوروناۆيرۋستىق ينفەكسيا بارىن راستادى. قازىرگى ۋاقىتتا عالىم ءاشىموۆ ۇيىندە. دەنساۋلىق جاعدايىن دارىگەرلەر تۇراقتى دەپ باعالاپ وتىر. قالا اكىمى ەشقانداي السىزدىك جوق ەكەنىن ايتتى. ول 14 كۇن ءوزىن- ءوزى وقشاۋلاپ، باقىلاۋدا بولادى. قالا اكىمىنىڭ مىندەتىن ونىڭ ورىنباسارى ميراس قۇتتىباي اتقاراتىن بولادى. تەمىرتاۋ اكىمدىگىنىڭ اپپاراتى شتاتتىق رەجيمدە جۇمىس ىستەپ جاتىر»، - دەپ حابارلادى وبلىس اكىمدىگىنىڭ باسپا ءسوز قىزمەتى.

جۇرگىزىلگەن زەرتتەۋ ناتيجەلەرى بويىنشا تەمىرتاۋ قالاسى باسشىسىمەن بايلانىستا بولعان اكىمدىك قىزمەتكەرلەرىنىڭ اراسىندا وڭ ناتيجە انىقتالعان جوق.

1 - ماۋسىمداعى جاعداي بويىنشا قاراعاندى وبلىسىندا ك ۆ ي جۇقتىرۋدىڭ 956 جاعدايى تىركەلگەن، ونىڭ ىشىندە 3 ناۋقاس كوز جۇمدى جانە 255 ادام ساۋىعىپ كەتكەن.

اۆتور: اگاتا مۋحامەدجانوۆا