ەسكى كولىكتەرگە بەرىلەتىن وتەماقى كولەمى ءوستى

None
None
نۇر- سۇلتان. قازاقپارات - ەسكى كولىكتەردى قابىلداۋدىڭ اقشالاي تولەم مولشەرى ۇلعايتىلدى، دەپ حابارلايدى حابار 24.

توزىعى جەتكەن كولىكتەردى قابىلداۋ ەكى سانات بويىنشا جۇزەگە اسادى. ماسەلەن، ءبىر عانا الماتىنىڭ وزىندە 800 مىڭعا جۋىق كولىك بار. سونىڭ جارتىسىنان استامى ەسكى. مۇنداي كولىكتەر قالاي قابىلدانادى؟ ەلىمىزدە ەسكى كولىكتەردى قابىلداۋ باعدارلاماسى 2016 -جىلى جۇزەگە اسقان بولاتىن. بۇعان دەيىن وسى باعدارلاما بويىنشا ەسكى ماشينالاردى قولما- قول اقشادان بولەك ارنايى سەرتيفيكاتتارعا ايىرباستاۋ مۇمكىندىگى بولسا، جاڭا ەرەجەگە سايكەس جەڭىلدىك سەرتيفيكاتتارى ەندىگى جەردە تەك جۇك كولىكتەرىنە عانا بەرىلەدى.

«ەسكى كولىكتەردى جويۋعا قابىلداۋ باعدارلاماسىنا وزگەرتۋلەر ەنگىزىلدى. بۇگىننەن باستاپ جەڭىل اۆتوكولىكتەرگە بەرىلەتىن وتەماقى كولەمى 200 مىڭ تەڭگەگە دەيىن ۇلعايتىلدى. الايدا سەرتيفيكات باعدارلاماسى ءدال وسى جەڭىل كولىكتەر ءۇشىن توقتاتىلدى. ءبىراق جولاۋشى جانە جۇك كولىكتەرىن قابىلداۋ جالعاسىن تابا بەرەدى»، - دەيدى سەرىكتەستىك وكىلى جومارت راحىمجان.

جاڭا ەرەجە بويىنشا، كولىك يەسىنە ەكى سانات بويىنشا قارجى تولەنەدى. ياعني تولىق جيىنتىقتى كولىككە بۇعان دەيىن 150 مىڭ تەڭگە تولەنەتىن. ال ەندى قوسالقى بولشەكتەرى كەم كولىكتەرگە 150 مىڭ تەڭگە تولەنەدى. بۇرىن وسى ەكىنشى ساناتتاعى كولىكتەرگە بار جوعى 48 مىڭ تەڭگە عانا بەرىلگەن ەدى.

«كولىك قالدىقتارى قورشاعان ورتانى لاستاماۋ ءۇشىن ارنايى قابىلداۋ ورىندارىنا وتكىزگەن ءجون. ءبىراق قازىرگى جاعدايدا ينفلياتسيانى ەسكەرەتىن بولساق، ەسكى كولىكتەرگە بەرىلىپ وتىرعان تولەماقى مولشەرىنىڭ دەڭگەيى بۇرىنعىمەن سالىستىرعاندا ەش ايىرماسى جوق. سوندىقتان ەسكى كولىكتى تاپسىرعاننان گورى قوسالقى بولشەكتەرگە ساتۋ تيىمدىرەك. وسىلايشا ءسىز 1,5-2 ەسە كوپ اقشا تابا الاسىز»، - دەيدى تاۋەلسىز اۆتوكولىكتەر وداعىنىڭ ءتوراعاسى ەدۋارد ەدوكوۆ.

سوڭعى جاڭالىقتار