الماتىداعى باسسەيندەر تاياۋ ارادا اشىلۋى مۇمكىن

«بۇگىننەن باستاپ مونشالار مەن ساۋنالار جۇمىس ىستەي باستادى. باسسەيندەر ەكىنشى كەزەڭدە اشىلادى، ويتكەنى وندا ادامدار كوپ بولادى. جالپى باسسەيندەگى سۋدىڭ قۇرامىندا دەزينفەكتسيالىق زات بار. ءبىز قازىردىڭ وزىندە باسسەينگە قويىلاتىن تالاپتاردى ازىرلەپ جاتىرمىز. تاياۋ ۋاقىتتا اشىلىپ قالار» ، - دەدى ول.

سونىمەن قاتار ول، مونشاعا كەلۋشىلەردىڭ الەۋمەتتىك قاشىقتىقتى ساقتاپ، مىندەتتى تۇردە ماسكا تاعۋ كەرەكتىگىن ەسكەرتتى.

«قىزمەتكەرلەر دە ماسكا تاعىپ، قولعاپپەن جۇمىس ىستەۋى كەرەك. دەمالىس بولمەلەرى سانيتايزەرمەن قامتاماسىز ەتىلىپ ، جەلدەتۋ رەجيمى كۇشەيتىلۋى ءتيىس» ، - دەپ تولىقتىردى ج. بەكشين.

ايتا كەتەيىك، بۇگىنەن باستاپ قالادا سپا سالوندار، قوعامدىق مونشالار قىزمەتىن قايتا باستادى.