نە ءۇشىن شومىلۋ ماۋسىمى ءالى اشىلماي وتىر

وتكەن اپتا ازاماتتىق قورعانىس ورگاندارىنىڭ بولىمشەلەرى ءۇشىن بارىنشا قيىن بولدى. قۇرعاق ءارى ىستىق اۋا رايىنا بايلانىستى وت تۇتانۋ دەرەگى دە وتە كوپ. ءورت سانى دا كوپ بولىپ وتىر. بۇعان قوسا، قاپىرىقتان قاشقان تۇرعىندار سۋ قويمالارىنا بەت الىپ، ارنايى بەلگىلەندەگەن جەرلەردە شومىلادى. بۇگىنگى كۇنگە دەيىن سۋعا ءتۇسۋ ماۋسىمى ءالى اشىلماعاندىعىن اتاپ وتكىم كەلەدى. جىل باسىنان بەرى كەشەگە دەيىن ازاماتتىق قورعانىس ورگاندارىنىڭ بولىمشەلەرى 643 رەت، ونىڭ ىشىندە قاراعاندى وبلىسىندا 223، ش ق و- دا 81، نۇر- سۇلتاندا 66، پاۆلوداردا 33 جانە تۇركىستان وبلىسىندا 26 رەت قۇتقارۋعا شىقتى»، - دەدى ول.

ونىڭ اتاپ وتۋىنشە، سۋعا شومىلۋ ماۋسىمىن اشۋ شەشىمى ءار ءوڭىردىڭ باسشىلىعىمەن اقىلداسا وتىرىپ، جەكە قابىلدانادى.

«1 -ماۋسىمنان باستاپ سۋعا شومىلۋ ماۋسىمى الماتى، اقتوبە، اقمولا، بقو، قوستاناي، قاراعاندى، س ق و، تۇركىستان وبلىستارىندا، جەزقازعان، الماتى جانە شىمكەنت قالالارىندا اشىلادى. نۇر- سۇلتان قالاسى مەن پاۆلودار وبلىسىندا 10 -ماۋسىمنان، ش ق و- دا 13 - ماۋسىمنان، اتىراۋدا 15 - ماۋسىمنان جانە ماڭعىستاۋ وبلىسىندا 25-ماۋسىمنان باستاپ اشۋ جوسپارلانعان» ، - دەدى كوميتەت باسشىسى.

ۆ. بەككەردىڭ ايتۋىنشا، سۋ تەمپەراتۋراسىنىڭ بارىنشا تومەن بولۋى سۋعا شومىلۋ ماۋسىمىن اشپاۋعا سەبەپ بولعان.

«سوڭعى اپتادا كۇن ىستىق بولىپ تۇرعانىنا قاراماستان پاۆلودار وبلىسىندا سۋ تەمپەراتۋراسى 19، اقمولادا 18، قاراعاندىدا 18-20، قوستانايدا 18-20، ماڭعىستاۋدا 17، ب ق و- دا 15-20، اقتوبەدە 18-21، الماتى، قىزىلوردا 20-25، ش ق و- دا 20، الماتى، تۇركىستاندا 17-24، جامبىلدا 20-25 گرادۋس قانا» ، - دەدى ول.