الەمدەگى ەڭ ءىرى ەلەكتروۇشاق سىناقتان ءوتتى

ۇشاق - ماگني-500 ەلەكتر قوزعالتقىشىمەن جابدىقتالعان، سونىمەن اتتاس ۇشاقتىڭ موديفيكاتسياسى. AeroTEC اۋە كەمەسىنىڭ العاشقى رەيسى ۆاشينگتون شتاتىنىڭ موسس لەيك قالاسىندا ءوتتى. گرانت كاۋنتي اۋەجايىنداعى سىناق رەيسى ءساتتى بولدى.

ۇشاق اۋەدە 30 مينۋتتاي ۇشقان. مامانداردىڭ ايتۋىنشا، مۇنداي قۇرىلعىلاردى پايدالانۋ شۋ مەن اۋاعا تارايتىن ۋلى گازدى، سونىمەن قاتار ۇشۋ كەزىندەگى 1 ساعاتقا كەتەتىن شىعىندى ايتارلىقتاي ازايتادى. «مەن ءبىزدىڭ ينجەنەرلەردى، تاجىريبە وتكىزگەن تەحنيكتەردى جانە كوماندانىڭ يننوۆاتسيالىق جۇمىسىن ماقتان تۇتامىن. ەلەكترلى ۇشاقتاردى سىناۋ جانە سەرتيفيكاتتاۋ ءۇشىن ەشقانداي جول كارتاسى جوق، بۇل جاڭا شەكارا، ال AeroTEC - بۇل سالانىڭ الدىڭعى قاتارىندا»، - دەيدى كومپانيانىڭ باس ديرەكتورى لي ادام. ۇشاقپەن 5 جولاۋشىنى تاسىمالداۋعا جانە 160 ك م قاشىقتىققا ۇشۋعا بولادى.

قازىر Cessna Grand Caravan 208B سەرتيفيكاتتاۋدان ءوتىپ جاتىر.