افروامەريكالىق جىگىتتىڭ ءولىمى: ەۋروپا تۇرعىندارى جاپپاي شەرۋگە شىقتى

ا ق ش قالالارىنان كەيىن بەرلين جانە لوندوندا جاپپاي نارازىلىق اكسياسى باستالدى، - دەپ حابارلايدى Euronews.

دەرەككوز مالىمەتىنشە، جەكسەنبى كۇنى ۇلى بريتانيا استاناسىندا «قارا ءناسىلدى ادامنىڭ دا ءومىرىنىڭ ءمانى بار» دەگەن ۇرانمەن جۇزدەگەن ادام كوشەگە شىقتى.

«ءبىز عاسىرلار بويى قارا جانە باسقا ءناسىلدى ادامداردىڭ قۇقى بۇزىلعانىن كوردىك. ولار كوشەدە ءولتىرىلدى. جاعداي ودان سايىن ۋشىعىپ جاتىر. ءبىز بۇدان شارشادىق! ەگەر ءبىزدى ەشكىم ەستىمەسە، ءبىز ايعايلاي بەرەمىز! جەتەر ەندى! وزگەرەتىن ۋاقىت كەلدى»، - دەيدى نارازىلىق اكسياسىنا قاتىسۋشىلاردىڭ ءبىرى.

ترافالگار الاڭىنداعى نارازىلىق اكسياسىنا قاتىسۋشىلار «ادىلدىك پەن بەيبىتشىلىك جوق» دەپ ۇرانداپ، پارلامەنت عيماراتىنىڭ ماڭىنان ءوتتى. ميتينگ ا ق ش ەلشىلىگىنىڭ الدىندا اياقتالدى.

بەرليندەگى ا ق ش ەلشىلىگىنىڭ الدىندا وتكەن شەرۋگە 2 مىڭعا جۋىق ادام قاتىستى. ولار «دجوردج فلويدقا ءادىل سوت ۇكىمى شىقسىن!»، «ءبىزدى ءولتىرۋ دوعارىلسىن!»، «ەندى كىمنىڭ موينىن اياقپەن باساسىڭدار؟» دەگەن جازۋى بار باننەرلەردى ۇستاپ تۇردى.

لوندوندا پوليتسيا جوردج فلويدتى ەسكە الۋعا ارنالعان ميتينگ كەزىندە 23 ادامدى ۇستادى.

ايتا كەتەيىك، وتكەن دۇيسەنبىدە ا ق ش-تىڭ ميننەسوتا قالاسىندا 46 جاستاعى امەريكالىق دجوردج فلويد قايتىس بولدى. پوليتسيا تۇرعىندى ۇستاۋ كەزىندە وعان قارسى كۇش قولدانعان.