تارازدا شىڭعىسحاننىڭ باباسى قايدۋحانىڭ ءمورى بەينەلەنگەن كۇمىس تيىندار تابىلدى

تاريحشىلار «ەڭ قۇندىسى شىڭعىسحاننىڭ باباسى قايدۋحانىڭ ءمورى بەينەلەنگەن كۇمىس تيىن»، دەيدى.

ماماندار بۇل تيىن 1268 -جىلى وتىراردا قۇيىلعان دەپ توپشىلايدى. بۇلاردان بولەك، اڭ ستيلىندەگى مەتالل بۇيىم مەن مىس بۇيىمدار تابىلدى. قاراحانيدتەر داۋىرىنە جاتاتىن ەجەلگى زاتتاردى مۇراجايعا جەرگىلىكتى تۇرعىندار تاپسىرعان.

جازيرا شىلدەبايەۆا، ەجەلگى تاراز ەسكەرتكىشتەرى تاريحي- مادەني قورىق مۋزەيىنىڭ ءبولىم باسشىسى:

- بۇل بولىكتەردىڭ بارلىعى بولاشاقتا ارنايى اناليزگە جىبەرىلەتىن بولادى. ماماندار بۇلاردىڭ ءبارىن زەرتتەپ، زەردەلەپ، اللا قالاسا، ءبىزدىڭ مۋزەي سورەلەرىمىزدەن ورىن الادى دەگەن ويدامىز. مۋزەيگە سىي اكسياسى اياسىندا كوپتەگەن جادىگەرلەر وتكىزىلىپ جاتىر. راحمەتىمىزدى ايتامىز. ويتكەنى وسى كىسىلەردىڭ ارقاسىندا وسى جادىگەرلەر ۇرپاقتان ۇرپاققا اتا- بابالارىمىزدان قالعان مۇرا رەتىندە مۋزەي سورەلەرىمىزدە ماقتانىشپەن ورىن الادى دەگەن ويدامىن.

www.24.kz