12:17, 01 - ماۋسىم 2020 | GMT +6
كوروناۆيرۋسقا قارسى ۆاكسينا نارىققا قاشان شىعادى؟
نۇر-سۇلتان. قازاقپارات - قىتايدا كوروناۆيرۋسقا قارسى ۆاكسينا بيىل جىل سوڭىنا تامان نە كەلەسى جىلدىڭ باسىندا نارىققا شىعارىلۋى مۇمكىن، دەپ حابارلايدى «حابار 24».
مەملەكەتتىك مۇلىكتى باقىلاۋ جانە باسقارۋ كوميتەتىنىڭ وكىلدەرى وسىلاي دەپ وتىر. قازىرگى ۋاقىتتا اسپان استى ەلىندە كوروناۆيرۋسقا قارسى ەكپەنىڭ 5 ءتۇرى كلينيكالىق سىناقتىڭ ەكىنشى كەزەڭىنەن وتكىزىلىپ جاتىر.
ول شىلدەدە اياقتالۋى ءتيىس. تاجىريبەگە 2500-نان اسا ەرىكتى قاتىسۋدا. ال ۆاكسينانى نارىققا شىعارۋ ءۇشىن ول كلينيكالىق سىناقتىڭ ءۇش كەزەڭىنەن ءوتۋى كەرەك ەكەن. ءبارى ويداعىداي جۇزەگە اسسا، قىتايلىقتار جىلىنا كوروناۆيرۋسقا قارسى ەكپەنىڭ 200 ميلليوننان اسا دوزاسىن شىعارۋعا نيەتتى.