الماتىدا كەيبىر قوعامدىق قىزمەت كورسەتۋ ورىندارى جۇمىستارىن باستادى

None
None
الماتى. قازاقپارات - الماتىدا، شەكتەۋ شارالارىن جەڭىلدەتۋ شەڭبەرىندە، 1-ماۋسىمنان باستاپ، س پ ا-سالوندارى، قوعامدىق مونشالار مەن ساۋنالار جۇمىستارىن قايتا باستايدى، دەپ حابارلايدى قازاقپارات ءتىلشىسى.

نىسانداردىڭ قىزمەتىنە بارلىق ەپيدەميولوگيالىق شارالار قاتاڭ ساقتالعان جاعدايدا رۇقسات ەتىلەدى.

«جۇمىستى باستار الدىندا، ۇيىمدار الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنىڭ ەرەجەلەرىمەن تانىسۋى جانە نىسانداردى بارلىق قاجەتتى تالاپتارعا سايكەس دايىنداۋى ءتيىس. ول تالاپتار: كۇشەيتىلگەن سانيتارلىق- دەزينفەكسيالىق رەجيمدى، الەۋمەتتىك قاشىقتىقتى ساقتاۋ جانە ت. ب. بۇدان ءارى، نىساندار infokazakhstan.kz سايتىنا تىركەلۋى ءتيىس. وندا ولار وزدەرىنىڭ ازىرلىگىن راستايدى جانە حابارلاماعا ەلەكتروندى- سيفرلىق قولتاڭباسىمەن قول قويۋ جولىمەن جازىلعان نورمالاردى ساقتاۋعا كەپىلدىك بەرەدى»، - دەپ حابارلايدى الماتى قالاسى اكىمدىگىنىڭ باسپا ءسوز قىزمەتى.

ايتا كەتۋ كەرەك، كارانتيندىك شارالاردى ورىنداۋ بارىسىن مونيتورينگتىك توپ رەيدتىك تەكسەرۋلەر جۇرگىزۋ كەزىندە قاداعالايتىن بولادى. بۇزۋشىلىقتار انىقتالعان جاعدايدا، ايىپپۇل سالىنىپ قايتا جاۋىپ تاستاۋ سياقتى اكىمشىلىك جاۋاپقا تارتىلادى.

جۇمىس ورىندارىنا قاجەتتى قىزمەتكەرلەر سانىن كاسىپورىن باسشىلارى وزدەرى بەلگىلەيدى. سۇلۋلىق جانە دەنساۋلىق يندۋسترياسىنىڭ نىساندارى ءۇشىن جۇمىس كەستەسى شتات رەجيمىندە قالىپ وتىر.

جالپى 7,2 مىڭ ادام جۇمىسقا ورالادى.

بۇدان باسقا، 1-ماۋسىمنان باستاپ، شەكتەۋلەر ازىرلىك باعالاۋىنان وتكەن ازىق-تۇلىكتىك ەمەس بازارلاردان الىناتىن بولادى.

سوڭعى جاڭالىقتار