قازاقپارات كۇنتىزبەسى. بۇگىن حالىقارالىق ءۇش مەرەكە اتالىپ وتىلەتىن كۇن

None
None
نۇر-سۇلتان. قازاقپارات - قازاقپارات وقىرماندارعا 2020 -جىلعى 1-ماۋسىمعا ارنالعان كۇنتىزبەنى ۇسىنادى.

اتاۋلى كۇندەر

حالىقارالىق بالالاردى قورعاۋ كۇنى

ايەلدەردىڭ حالىقارالىق دەموكراتيالىق فەدەراتسياسىنىڭ كونگرەسىندە 1949 -جىلى رەسمي تۇردە بەكىتىلدى. 1950 -جىلدان باستاپ تۇراقتى تۇردە اتاپ وتىلەدى. مۇنداي مەرەكەنى بەكىتۋ تۋرالى ۇسىنىس العاش رەت 1925 -جىلى جەنيەۆادا وتكەن دۇنيەجۇزىلىك كونفەرەنسيادا جاسالدى.

بۇكىلالەمدىك ءسۇت كۇنى

ب ۇ ۇ-نىڭ ازىق- تۇلىك جانە اۋىل شارۋاشىلىعى ۇيىمى (اعىلشىنشا Food and Agriculture Organization - FAO) 2001 -جىلى بەكىتكەن.

بۇكىل الەمدىك اتا-انالار كۇنى

ب ۇ ۇ- نىڭ حالىقارالىق كۇندەر جۇيەسىندە 2012 -جىلى پايدا بولدى. 1-ماۋسىم - حالىقارالىق بالالاردى قورعاۋ كۇنىمەن بىرگە اتالىپ وتىلەدى.

ەستە قالار وقيعالار

1920 -جىلى قازاقستاننىڭ باستى شارۋاشىلىق ورگانى - بۇكىلرەسەيلىك حالىق شارۋاشىلىعى قۇرامىندا قىرعىز (قازاق) ونەركاسىپ بيۋروسى قۇرىلدى.

1946 -جىلى س س س ر عىلىم اكادەمياسىنىڭ قازاق بولىمشەسى نەگىزىندە قازىرگى قازاقستان ۇلتتىق عىلىم اكادەمياسى اشىلدى. العاشىندا بولىمشەدە 16 عىلىمي- زەرتتەۋ ينستيتۋتى، 8 سەكتور، 7 تاجىريبە ستانساسى، 3 بوتانيكا باعى بولدى. اكادەميانىڭ العاشقى قۇرامىنا 14 اكادەميك: مۇحتار اۋەزوۆ، ابىكەن بەكتۇروۆ، يللاريون گالۋزو، ميحايل گوريايەۆ، احمەت جۇبانوۆ، نيكولاي كاسسين، ىسمەت كەڭەسبايەۆ، نيكولاي پاۆلوۆ، ميحايل رۋساكوۆ، قانىش ساتبايەۆ، نىعمەت ساۋرانبايەۆ، گاۆريل تيحوۆ كىردى. قازاقستان ۇلتتىق عىلىم اكادەمياسىنىڭ ءبىرىنشى پرەزيدەنتى بولىپ كورنەكتى عالىم، قايراتكەر، اكادەميك قانىش ساتبايەۆ سايلاندى.

1991 -جىلى «قازاق فيلم» بازاسىندا قۇرىلعان «كاتاريس» شىعارماشىلىق بىرلەستىگى بالقاشتا «ليۋدوەد» كوركەم فيلمىن تۇسىرۋگە كىرىستى. فيلمدە 1954 -جىلعى كارلاگ ساياسي تۇتقىندارىنىڭ كوتەرىلىسى سۋرەتتەلەدى. رەجيسسەرى ءارى سەناري اۆتورى - گ. ف. زەمەل. ءتۇسىرىلىم بۇرىنعى زونانىڭ ورنىندا، كوۋنراد كەنىشىنىڭ كارەرىندە جانە گەولوگتار اۋىلىندا جۇرگىزىلدى.

1994 -جىلى قازاقستان رەسپۋبليكاسى ادىلەت ءمينيسترىنىڭ بۇيرىعىمەن «جەتى جارعى» باسپاسى قۇرىلىپ، العاشقى ديرەكتورى بولىپ تۇرىكپەنبايەۆا ءدىلبار دادوحان قىزى تاعايىندالدى.

1997 -جىلى فرانسيادا ۇلى قازاق جازۋشىسى مۇحتار اۋەزوۆتىڭ تۋعانىنا 100 جىل تولۋىنا ارنالعان قازاقستان كۇندەرى ءوتتى.

2003 -جىلى «اتاۋلى كۇندەر، وقيعالار، ەسىمدەر» اتتى «قازاقپارات» اگەنتتىگىنىڭ كۇنتىزبەسىنىڭ العاشقى سانى جارىققا شىقتى. كۇنتىزبەدە تاۋەلسىز قازاقستان تاريحىنداعى ەلەۋلى وقيعالار، اتاۋلى كۇندەر، ەلىمىزدى دامۋدىڭ داڭعىل جولىنا ءتۇسىرىپ، وركەندەۋىنە ۇلەس قوسقان ازاماتتار، عىلىم مەن ءبىلىم، سپورت، مادەنيەت، ساياسات جانە باسقا دا سالالاردا جەتىستىككە جەتكەن تۇلعالار اتاپ وتىلەدى.

2010 -جىلى قازاقستان رەسپۋبليكاسى پرەزيدەنتى نۇرسۇلتان نازاربايەۆتىڭ قاتىسۋىمەن ەلورداداعى ق ر تۇڭعىش پرەزيدەنتى مۇراجايى الدىنداعى ساياباقتا جانىبەك پەن كەرەي حانداردىڭ مونۋمەنتالدى مۇسىندىك- كوركەم كومپوزيتسياسىنىڭ سالتاناتتى اشىلۋ ءراسىمى بولدى. قازاق حاندىعىنىڭ ىرگەسىن قالاپ، تۇڭعىش قازىعىن قاققان حاندارعا ەلوردادا ەسكەرتكىش اشۋ - ەلباسىنىڭ يدەياسى. بۇل رەتتە كەرەي مەن جانىبەك حاندار ەسكەرتكىشىنە ارنالعان ەسكيز جوباسىنا رەسپۋبليكالىق كونكۋرس جاريالاندى. بايقاۋعا 10 جوبا ۇسىنىلىپ، ونىڭ ىشىنەن استانالىق جاس ءمۇسىنشى ابەنوۆ ريناتتىڭ جوبا- ەسكيزى ۇزدىك دەپ تانىلعان بولاتىن. قۇرامىنا ەلىمىزگە بەلگىلى تاريحشى عالىمدار، انتروپولوگتار، ساياساتتانۋشىلار مەن ساۋلەت ونەرىنىڭ ماماندارى ەنگىزىلگەن كونكۋرس كوميسسياسىنىڭ پىكىرى بويىنشا، اۆتور ۇلى حانداردىڭ سىرتقى پىشىندەرىن، ولاردىڭ ۇلتتىق سيپاتتاعى كەلبەتتەرىن بارىنشا ناقتى بەينەلەگەن. كومپوزيتسيا تۇتاس ءوز تۇلعالارىمەن جاڭا حاندىقتىڭ ىرگە كوتەرۋى ەركىندىكتىڭ ورناۋىن بەينەلەيتىن ەكى مۇسىننەن تۇرادى.

ەسكەرتكىش مۇسىندەرىنىڭ ىرگەتاسىنان باستاپ ۇشار باسىنا دەيىنگى جالپى بيىكتىگى 12 مەتر، جانىبەك حاننىڭ تىك تۇرعانداعى بويى 5,25 مەتر. كەرەي حاننىڭ ءمۇسىنىنىڭ بيىكتىگى 4 مەتر، مۇسىندىك كومپوزيتسيانىڭ بارلىق ەلەمەنتتەرى تازا قولادان قۇيىلعان. سالماعى 16,20 توننا. كەرەي مەن جانىبەك حانداردىڭ تۇرعىزىلعان ەسكەرتكىشتەرى - قازاق قوعامى ءۇشىن ءىرى رۋحاني جانە مادەني ماڭىزى بار ايتۋلى شارالاردىڭ ءبىرى. مۇسىندەر قازاقستاندا جاسالعان.

2010 -جىلى الماتىداعى ورتالىق ستاديوندا قازاقستاندىق فۋتبولدىڭ نەگىزىن قالاۋشى اركاديي حوحمانعا ارنالعان مەموريالدىق تاقتانىڭ سالتاناتتى اشىلۋ ءراسىمى بولدى. اركاديي حوحمان ۇزاق ۋاقىت بويى قازسسر فۋتبول فەدەراتسياسىنىڭ ءتوراعاسى، س س س ر فۋتبول فەدەراتسياسى پرەزيديۋمىنىڭ مۇشەسى بولدى. 1957 -جىلدان 1978 -جىلعا دەيىن رەسپۋبليكالىق فۋتبول مەكتەبىن باسقاردى.

2012 -جىلى قازاقستاندا العاش رەت ونكولوگيالىق اۋرۋلارمەن اۋىراتىن بالالاردى قولداۋ ورتالىعى قۇرىلدى.

2017 -جىلى كەڭەس وداعىنىڭ باتىرى، حالىق قاھارمانى، تاۋەلسىز قازاقستاننىڭ تۇڭعىش قورعانىس ءمينيسترى، ارميا گەنەرالى ساعادات نۇرماعامبەتوۆتىڭ قولا ءبيۋستى ۇلى وتان سوعىسىنىڭ ورتالىق مۋزەيىنە بەرىلدى. ساعادات نۇرماعامبەتوۆتىڭ ەسكەرتكىشىمەن بىرگە مۋزەيگە باتىردىڭ ارحيۆتەگى فوتوسۋرەتتەرى مەن م. ب. گرەكوۆ اتىنداعى ستۋديانىڭ سۋرەتشىسى پاۆەل بويكو سالعان پورترەتى دە قوسا بەرىلدى.

2017 -جىلى «نۇرلى جول» جاڭا ۆوكزال كەشەنى العاشقى پويىزداردى قابىلداي باستادى. العاشقى بولىپ «قاراعاندى - استانا» ەلەكتر پويىزى كەلدى. ۆوكزال كەشەنى التى دەڭگەيلى، جالپى اۋماعى 126 مىڭ شارشى مەترلىك عيمارات. ۆوكزالدا التى جولدىڭ تورابى كىرىپ وتىر. ول تاۋلىگىنە 35 مىڭ جولاۋشىنى قابىلداي الادى. ۆوكزال جولاۋشىلار اعىنىن، كەزەگىن، قاۋىپسىزدىگىن، ەلەكتروندى بيلەت ساتۋ پروتسەسىن ينتەللەكتۋالدىق باسقارۋ جەلىسىمەن قامتىلعان. ءبىرىنشى جانە ەكىنشى قاباتتا 740 كولىككە ارنالعان اۆتوتۇراق بار. سونىمەن قاتار ول جەردە قىزمەتتىك- تەحنيكالىق بولمەلەر ورنالاسقان. ءۇشىنشى قاباتتا - شاتىر استىندا پەررون ورىن تەپكەن. ءتورتىنشى قابات ەڭ نەگىزگى بولىپ سانالادى. مۇندا باستى كىرەبەرىس پەن 10 بيلەت كاسساسى، انىقتاما بيۋروسى، ساۋدا ورىندارى بار. بەسىنشى قاباتتا فۋد-كورت، التىنشى قاباتتا اكىمشىلىك كەڭسەلەر ورنالاسقان.

2017 -جىلى استاناداعى Mega Silk Way ساۋدا، ويىن-ساۋىق ورتالىعىندا تەڭىز جانۋارلارىنىڭ ورتالىق ازياداعى ەڭ ۇلكەن پاركى اشىلدى. ونىڭ جالپى اۋدانى 7190 شارشى مەتردى قۇرايدى.

پاركتە ءبىر ۇلكەن باسسەين جانە ەكى قوسالقى باسسەين، 400 ادام سياتىن تريبۋنا بار. تريبۋنادا مۇمكىندىگى شەكتەۋلى جاندارعا دا بارشا قولايلىلىق جاسالعان.


سوڭعى جاڭالىقتار