ارمەنيادان اكەلىنگەن كولىكتەر: تىركەۋ قۇنى مەن قالاي دۇرىس ساتۋ جايىندا

وسىعان وراي قازاقستان رەسپۋبليكاسى ىشكى ىستەر مينيسترلىگى اكىمشىلىك پوليتسيا كوميتەتى ءتوراعاسىنىڭ ورىنباسارى سەرىك ءتۇسىپوۆ وسى جايتقا قاتىستى ەڭ نەگىزگى ساۋالدارعا جاۋاپ بەردى، دەپ حابارلايدى قازاقپارات ءتىلشىسى.

«باسقارۋ ورگاندارى سول جاقتا ورنالاسقان، ارمەنيا رەسپۋبليكاسىنىڭ ۋاكىلەتتى ورگاندارىندا قازاقستان ازاماتتارىنا تىركەلگەن جانە ولار قازاقستانعا 2020 -جىلعى 1- اقپانعا دەيىن اكەلگەن اۆتوموبيلدەر تىركەۋگە جاتادى (قازاقستان رەسپۋبليكاسى ۇكىمەتىنىڭ اعىمداعى جىلعى 20 -مامىرداعى№ 306 قاۋلىسى). قابىلدانعان قاۋلى اياسىندا (2020 -جىلعى 20 مامىرداعى № 306)، اۆتوموبيلدى تىركەۋ قۇنى 11946 تەڭگەنى قۇرايدى. وعان 695 تەڭگە (0,25 اەك) - تىركەۋ ءۇشىن الىم، 3773 تەڭگە (1,25 اەك) – تەح پاسپورت ءۇشىن باج، 7778 تەڭگە (2,8 اەك) – مەم ءنومىر ءۇشىن باج كىرەدى. باسقا تولەمدەر كوزدەلمەگەن»، - دەدى سەرىك ءتۇسىپوۆ.

وسى ورايدا ول ارمەنيادان اكەلىنگەن كولىكتەرگە نەلىكتەن سارى ءنومىر بەرىلەتىندىگىنى ءتۇسىندىردى.

«اكەلىنگەن اۆتوموبيلدەردى ولاردىڭ مەنشىك يەلەرى ارمەنيا ەسەبىنەن شىعارماعاندىقتان، قازاقستاندا تىركەۋ كەزىندە ولارعا سارى فونداعى نومىرلەر بەرىلەتىن بولادى. ويتكەنى، ولار - باسقا مەملەكەتتە تۇراقتى تىركەۋدە تۇرعان كولىك قۇرالدارى. بۇل رەتتە، نومىرلەر اۆتوموبيلدىڭ مەنشىك يەسىنىڭ ناقتى تۇراتىن جەرى بويىنشا ءوڭىردىڭ كودىمەن («01» وڭىردەن باستاپ «17» دەيىن) بەرىلەتىن بولادى»، - دەدى ول.

سونىمەن قاتار، ق ر ءى ءى م وكىلى نەلىكتەن «وڭ جاق رۋلدى» جانە قايتا جابدىقتالعان اۆتوموبيلدەردى تىركەۋگە بولمايتىندىعىن ءتۇسىندىردى. «وڭ جاق رۋلدى» اۆتوماشينالاردى تىركەۋ كوزدەلمەيدى، ويتكەنى 2009 -جىلدان باستاپ وعان تىيىم سالىنعان. تىيىم سالۋ «جول ءجۇرىسى تۋرالى» زاڭدا جانە «دوڭگەلەكتى كولىك قۇرالدارىنىڭ قاۋىپسىزدىگى تۋرالى» كەدەن وداعىنىڭ تەحنيكالىق رەگلامەنتىندە بەلگىلەنگەن ءنومىرى «وڭ جاق رۋلدى» اۆتوموبيلدەر باستاپقىدا سول جاقتى قوزعالىسى بار ەلدەردە - جاپونيا، ۇلى بريتانيا جانە ت. ب. پايدالانۋ ءۇشىن كونسترۋكتيۆتى تۇردە جاسالعان.

اتالعان اۆتوموبيلدەردى وڭ جاقتى قوزعالىسى بار جولداردا ايداۋ كەزىندە، جۇرگىزۋشىلەردىڭ كورۋ بۇرىشى شەكتەۋلى بولعاندىقتان باسىپ وزۋ، سولعا بۇرىلۋ جانە ت. ب. مانيەۆرلەر ءقاۋىپسىز جاساۋدى قيىنداتادى. باسقارۋ ورگاندارى وڭ جاقتان سول جاققا ورنالاستىرىلىپ قايتا جابدىقتالعان اۆتوموبيلدەرمەنشىك يەسى كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىك ۇسىنعاننان كەيىن عانا تىركەۋگە جاتادى. كولىك قۇرالى كونسترۋكتسياسىنىڭ قاۋىپسىزدىگى تۋرالى كۋالىكتى ساۋدا جانە ينتەگراتسيا مينيسترلىگى اككرەديتتەگەن سىناق زەرتحانالارى بەرەدى»، - دەدى سەرىك ءتۇسىپوۆ.

مۇنان بولەك ول ارمەنيادا بەرىلگەن تەح پاسپورت پەن مەم نومىرلەر قايدا ساقتالاتىنىن، ولاردى قايتارىپ الۋ قالاي جۇزەگە اسىرىلاتىنىن ءتۇسىندىردى. «ارمەنيادا بەرىلگەن تەح پاسپورت پەن مەم نومىرلەر اۆتوموبيلدى قازاقستاندا تىركەگەن كەزدە مامانداندىرىلعان ح ق ك و- لاردا تاپسىرىلاتىن جانە اۆتوموبيلدىڭ مەنشىك يەسى تالاپ ەتكەنگە دەيىن مۇراعاتتاردا ساقتالادى. ولاردى قايتارۋ اۆتوموبيلدى قازاقستاننىڭ تىركەۋ ەسەبىنەن شىعارعان جاعدايدا، مەنشىك يەلەرىنىڭ سۇراۋ سالۋى بويىنشا جۇزەگە اسىرىلادى»، - دەدى ول.

س. ءتۇسىپوۆ ارمەنيادان اكەلىنگەن جانە قازاقستاندا وسى جىلعى 1 - ماۋسىم مەن 1- قىركۇيەك ارالىعىندا تىركەلگەن اۆتوموبيلدى ودان ءارى قايتا ساتۋ ءۇشىن نە قاجەت ەكەندىگىن دە ءتۇسىندىردى.

«تىركەلگەن اۆتوموبيلدەردى پايدالانۋ مەرزىمى شەكتەلمەگەن. اۆتوموبيلدىڭ مەنشىك يەسى ونى پايدالانۋ مەرزىمدەرى تۋرالى شەشىمدى ءوزى قابىلداۋعا قۇقىلى. ەگەر ازامات ءوز اۆتوماشيناسىن قايتا ساتقىسى كەلسە، ول: «قازاقستاندىق» مەم نومىرلەر مەن تەح پاسپورتتاردى تاپسىرۋمەن اۆتوموبيلدى قازاقستاننىڭ ەسەبىنەن شىعارۋعا؛

ماماندىرىلعان ح ق ك و- دا «ارمياندىق» نومىرلەرى مەن تەح پاسپورتتى قايتىپ الۋعا ءتيىس؛

ارمەنيا ەسەبىنەن شىعارۋ، ول ءۇشىن قازىرگى تاڭدا «ءوزىنىڭ بارۋى قاجەتتىگى» كوزدەلگەن؛

قازاقستاننىڭ زاڭناماسىندا كوزدەلگەن (كەدەندىك باج، باستاپقى تىركەۋ جانە كادەگە جاراتۋ الىمى) تولەمدەرىن تولەۋ. وسىدان كەيىن، ول اۆتوموبيلدى باسقا تۇلعاعا قايتا ساتا الادى»، - دەپ تۇسىندىرەدى ول.

ەسكە سالساق، ارمەنيادان اكەلىنگەن كولىك قۇرالدارىن تىركەۋگە ارنالعان سۇراقتار بويىنشا Call Center قۇرىلعان بولاتىن.