الماتى وبلىسىندا ايۋ تالاعان رەسەي ازاماتى مەرت بولدى

None
None
تالدىقورعان. قازاقپارات - الماتى وبلىسىندا 41 جاستاعى رەسەي ازاماتىن ايۋ تالاپ، مەرت بولدى. قايعىلى جاعداي الاكول اۋدانىندا بولعان، دەپ حابارلايدى قازاقپارات ءتىلشىسى.

«بالا كۇنىنەن الاكول اۋدانىنداعى لەپسى اۋىلىندا تۇرىپ كەلە جاتقان 1979 -جىلعى رەسەي ازاماتى دوستارىمەن بىرگە بالىق اۋلاۋعا بارعان. وقيعا ۇلتتىق پاركتىڭ اۋماعىندا بولعان. الگى ازامات سول جەردە بورسىقتى كورىپ، ارتىنان قۋا جونەلگەن. ءبىراق، ارتىنشا ونىڭ جانۇشىرعان داۋسى ەستىلگەن. دوستارى جەتكەندە ول قانسىراپ جاتقان. سول ماڭدا جۇرگەن ادامدار ايۋدى كورگەن. ولاردىڭ بولجامىنشا، الگى اڭ بورسىق ەمەس، ايۋدىڭ قونجىعى بولۋى مۇمكىن. ءسىرا، قونجىعىن قورعاعان ايۋ ادامعا تاپ بەرگەن بولار. جاراقات العان رەسەيلىك كوز جۇمدى»، - دەيدى الماتى وبلىسى اكىمىنىڭ باسپا ءسوز حاتشىسى عالىمۇرات جۇكەل.

اۆتور: سامال قابىشيەۆا

سوڭعى جاڭالىقتار