باقىتجان ساعىنتايەۆ: بلوكپوستار الىنعانىمەن، سانيتارلىق قاۋىپسىزدىك تالابى ساقتالادى

None
None
الماتى. قازاقپارات - الماتىدا 1 - ماۋسىمعا قاراعان ءتۇنى قالا بويىنشا ورنالاسقان بارلىق بلوكپوستار الىنادى، دەپ حابارلايدى قازاقپارات ءتىلشىسى.

بۇل تۋرالى قالا اكىمى باقىتجان ساعىنتايەۆ Instagram الەۋمەتتىك پاراقشاسىندا مالىمدەدى.

سونداي- اق ول بلوكپوستاردا جۇمىس ىستەگەن بارلىق قىزمەتكەرلەرگە العىس ايتتى.

«1- ماۋسىمعا قاراعان ءتۇنى قالا اۋماعى بويىنشا ورنالاسقان بلوكپوستاردى الامىز. توتەنشە جاعداي رەجيمى كەزىندە بۇل بەكەتتەر قالادان شىعۋ جانە قالاعا كىرۋدى شەكتەدى. بۇل - كوروناۆيرۋستىڭ تارالۋىن توقتاتۋ ءۇشىن قاجەتتى شارا بولدى. بارلىق پوليتسيا، سانيتارلىق قىزمەت، فيتو جانە ۆەتباقىلاۋ قىزمەتكەرلەرىنە، اۋداندىق اكىمدىكتەر مەن ۇلتتىق گۆارديا، قورعانىس مينيسترلىگىنىڭ اسكەري قىزمەتشىلەرىنە العىسىمدى بىلدىرەمىن»، - دەدى ساعىنتايەۆ.

ونىڭ ايتۋىنشا، ەلدە، سونىڭ ىشىندە الماتىدا جاعدايدىڭ تۇراقتانۋىنا بايلانىستى شەكتەۋ الىنادى. باقىتجان ساعىنتايەۆ بارلىق كاسىپورىندار مەن ۇيىمدار سانيتارلىق قاۋىپسىزدىكتىڭ كۇشەيتىلگەن شارالارى نەگىزىندە جۇمىس ىستەيتىنىن ەسكە سالدى. ۇيلەردى، اۋلا الاڭدارى مەن كوشەلەردى دەزينفەكسيالاۋ جۇمىستارى جۇرگىزىلە بەرەدى.

«بەلگىلەنگەن تارتىپكە باعىنىپ، سانيتارلىق گيگيەنا مەن الەۋمەتتىك قاشىقتىقتى ساقتاپ، قورعانىس ماسكالارىن كيىپ جۇرۋگە شاقىرامىن. بۇل قازىرگى ءومىردىڭ قالىپتى نورماسىنا اينالۋى ءتيىس. ءوزىڭىزدى جانە جاقىندارىڭىزدى قورعاڭىز!»، - دەپ جازدى قالا اكىمى.

ايتا كەتەيىك، وسىعان دەيىن قالاداعى بلوكپوستاردىڭ الىناتىنىنى حابارلانعان بولاتىن.

اۆتور: گۇلميرا عوسمانالي


سوڭعى جاڭالىقتار