15:10, 30 - مامىر 2020 | GMT +6
اتىراۋ وبلىسىندا جەدەل جاردەم بريگاداسى جول اپاتىنان مەرت بولدى
اتىراۋ وبلىسى. قازاقپارات - اتىراۋ وبلىسىندا جول- كولىك وقيعاسى سالدارىنان جەدەل جاردەم بريگاداسىنىڭ مۇشەلەرى قايتىس بولدى، دەپ حابارلايدى قازاقپارات ءتىلشىسى.
ايماقتىق پوليتسيا دەپارتامەنتى باسپا ءسوز قىزمەتىنەن ءمالىم ەتكەندەي، وقيعا يساتاي اۋدانى زينەدين اۋىلى ماڭىندا بولعان. قۇرىلىسى بىلتىر باستالعان استراحانعا باراتىن تاسجولدا جەدەل جاردەم اسكەري «كاماز» - بەن سوقتىعىسقان.
يساتاي اۋدانىنىڭ دارىگەرلىك امبۋلاتورياسىنا تيەسىلى جەدەل جاردەم كولىگىندە جۇرگىزۋشى مەن ەكى مەديتسينا قىزمەتكەرى بولعانى انىقتالدى. ولاردىڭ بارلىعى دا اجال قۇشتى. ق ر ءى ءى م باتىس وڭىرلىك اسكەري- تەرگەۋ باسقارماسىنداعىلاردىڭ حابارلاۋىنشا، «كاماز» رۋلىندە مەرزىمدىك اسكەري بورىشىن وتەپ جۇرگەن 20 جاستاعى سارباز بولعان.