پرەزيدەنت تاپسىرماسىمەن ساياسي قۋعىن- سۇرگىن قۇرباندارىن اقتاۋ جونىندەگى مەملەكەتتىك كوميسسيا قۇرىلادى

None
None
نۇر- سۇلتان. قازاقپارات - بۇگىن ق ر پرەزيدەنتى قاسىم- جومارت توقايەۆ ساياسي قۋعىن- سۇرگىن جانە اشارشىلىق قۇرباندارىن ەسكە الۋ كۇنىنە وراي ۇندەۋ جاريالادى.

وندا تاريحي ادىلدىكتى قالپىنا كەلتىرۋ جۇمىستارىن اياقتاۋ جانە قۋعىن- سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋ تاپسىرىلعانىن ءمالىم ەتتى، دەپ حابارلايدى قازاقپارات.

«تاريحي ادىلدىكتى قالپىنا كەلتىرۋ جۇمىستارىن اياقتاپ، ساياسي قۋعىن- سۇرگىن قۇرباندارىن اقتاۋ ءۇشىن ارنايى مەملەكەتتىك كوميسسيا قۇرۋدى تاپسىردىم. ءبىز جازىقسىز جازالانعانداردىڭ ءارقايسىسىن ەستە ساقتاۋ ارقىلى عانا كەمەل كەلەشەككە جول اشامىز. بولاشاقتىڭ بەرىك نەگىزى تاۋەلسىزدىكتەن باستاۋ الادى. وتكەن عاسىرداعى ەڭ قيلى كەزەڭنىڭ بىرىندە جازىقسىز جاپا شەككەندەردىڭ رۋحىنا تاعزىم ەتۋ - بارشامىزدىڭ پەرزەنتتىك بورىشىمىز»، - دەدى مەملەكەت باسشىسى. ق. توقايەۆ اتاپ وتكەندەي، كەڭەس زامانىندا ءومىر سۇرگەن حالىقتارعا «ۇلكەن تەررور» وراسان زور قاسىرەت اكەلدى.

زۇلمات جىلداردا قازاقستانعا ك س ر و- نىڭ تۇكپىر- تۇكپىرىنەن بەس ميلليوننان استام ادام جەر اۋدارىلدى. 100 مىڭعا جۋىق ازاماتىمىز قۋعىن- سۇرگىنگە ۇشىراپ، سونىڭ 20 مىڭنان استامى اتىلدى.

سوڭعى جاڭالىقتار