بلوكپوستاردىڭ الىنۋى: قازاقستاندىقتار قالىپتى ومىرگە قايتىپ كەلە مە

بۇل سۇراققا دەنساۋلىق ساقتاۋ ءمينيسترى ەلجان ءبىرتانوۆ جاۋاپ بەردى، دەپ حابارلايدى قازاقپارات ءتىلشىسى.

«شىنىندا دا ءبىزدىڭ قازىرگى باستى ماقسات - ەلدى قالىپتى ەكونوميكالىق بەلسەندى ومىرگە قايتارۋ. سونىمەن بىرگە ازاماتتاردى وسى ەپيدەميادان قورعاۋىمىز كەرەك. ايتسە دە ەپيدەمياعا قارسى شارالار، سونىڭ ىشىندە شەكتەۋ شارالارى كۇشىندە قالادى. كارانتيننىڭ بىرنەشە كەزەڭى بار. ەل ىشىندەگى قوزعالىستى شەكتەۋدى الىپ تاستاۋ - ايماقتار بويىنشا كوروناۆيرۋستى جۇقتىرۋ جاعدايى رەتتەلىپ، تەڭەسىپ قالعانىن بىلدىرەدى. ياعني ادامداردى ارى قاراي قوزعالىستان شەكتەۋدىڭ قاجەتى جوق. ايتسە دە ەڭ ءبىرىنشى كەزەكتە جۇمىستا، قوعامدىق ورىندار مەن كولىكتەردە ەپيدەمياعا قارسى شارالاردى ساقتاۋ ەرەجەلەرىنىڭ تالابى كۇشىندە بولادى. ونى ساقتانۋدىڭ ماڭىزى زور»، - دەدى ەلجان ءبىرتانوۆ دەنساۋلىق ساقتاۋ مينيسترلىگىنىڭ Facebook پاراقشاسىندا «حابار 24» ارناسى ءتىلشىسىنىڭ سۇراعىنا جاۋاپ بەرە وتىرىپ.

ءمينيستردىڭ ايتۋىنشا وكىنىشكە قاراي جۇمىس ورىندارىندا جۇمىس بەرۋشىلەردىڭ كەيبىرى قىزمەتكەرلەرى ءۇشىن قاۋىپسىزدىك جاعدايىن قامتاماسىز ەتپەيدى. «قوعامدىق كولىكتەردە دە كەيدە ادامداردىڭ تولىپ تۇرعانىن كورەمىز. ماسكاسىز جۇرگەن ادام قانشاما. ساۋدا ورىندارىندا دا بۇل تالاپتاردى ساقتاماي جۇرگەندەر كوپ. مۇنداي جاعدايدا وتە قاتاڭ شارالاردى ىسكە اسىرۋعا ءماجبۇر بولامىز. ەڭ باستىسى - ينفەكسيانىڭ تارالۋ قاۋپى ازايعاننان كەيىن كارانتين ءتارتىبى جەڭىلدەتىلىپ كەلە جاتقانىن ءتۇسىنۋى كەرەك. الايدا ينفەكسيا ەشقايدا قۇرىپ كەتكەن جوق. ادامدار ونىڭ اۋىر تۇرىنە دە شالدىعىپ قالۋى مۇمكىن. سوندىقتان ونىڭ الدىن الۋدىڭ ماڭىزى وتە زور»، - دەدى ەلجان ءبىرتانوۆ.

ەسكە سالا كەتسەك 1 - ماۋسىمنان باستاپ قازاقستان قالالارى اراسىنداعى بلوكپوستار الىنادى. بۇل جايلى ورتالىق كوممۋنيكاتسيالار قىزمەتىندە ق ر ي ي د م كولىك كوميتەتى ءتوراعاسىنىڭ ورىنباسارى جانىبەك تايجانوۆ ءمالىم ەتكەن ەدى.

اۆتور: ايان بەكەن ۇلى