ەلجان ءبىرتانوۆ: كوروناۆيرۋس ينفەكسياسى بويىنشا جاعداي ۇكىمەتتىڭ باقىلاۋىندا

«وكىنىشكە قاراي، كوروناۆيرۋس پاندەمياسى ءالى دە جالعاسۋدا. قازاقستاندا دا كوروناۆيرۋس ينفەك سياسىنىڭ تارالۋى توقتاعان جوق. الايدا، ينفەكسيانىڭ تارالۋ قارقىنى مەن ودان كوز جۇمعانداردىڭ سانىنا نازار اۋدارساق، ءار ەلدىڭ كورسەتكىشى ءارتۇرلى. قازىرگى تاڭدا ءبىزدىڭ ەلدە كوروناۆيرۋس جۇقتىرعان 10 مىڭنان استام تىركەلدى. ايتسە دە ءوسىم قارقىنى كۇنىنە 3-5 پايىزدى كورسەتىپ وتىر. كورسەتكىشتەرى جوعارى ايماقتار دا بار. دەگەنمەن كەيبىر ايماقتا جاعداي قالىپتى»، - دەدى ەلجان ءبىرتانوۆ دەنساۋلىق ساقتاۋ مينيسترلىگىنىڭ Facebook پاراقشاسىندا «حابار 24» ارناسى ءتىلشىسىنىڭ سۇراعىنا جاۋاپ بەرە وتىرىپ.

ءمينيستردىڭ ايتۋىنشا، قازاقستاندا كوروناۆيرۋس ينفەكسياسى بويىنشا جاعداي باقىلاۋدا. «كەيىنگى ايدا قارقىننىڭ 5 پايىزدان اسپاعانىن بايقادىق. بۇل دەگەنىمىز كوروناۆيرۋس ينفەكسياسى بويىنشا جاعداي ۇكىمەتتىڭ باقىلاۋىندا ەكەنىن بىلدىرەدى»، - دەدى ول.

اۆتور: ايان بەكەن ۇلى