مەملەكەتتىك تىلگە قاتىستى وزگەرىسكە قوعام تولىعىمەن دايىن – سەناتور

بىلتىر جەلتوقسان ايىندا مۇرات باقتيار ۇلى باستاعان ءبىر توپ سەناتور مەملەكەتتىك ءتىل- قازاق ءتىلىنىڭ ماسەلەسىن كوتەرىپ، ۇكىمەت باسشىسىنا ساۋال جولداعان بولاتىن. دەپۋتاتتار جاڭادان مەملەكەتتىك ءتىل تۋرالى زاڭ قابىلداۋ كەرەكتىگىن كوتەرگەن ەدى.

«مەملەكەتتىك ءتىل ماسەلەلەسىنە قاتىستى ۇكىمەتتەن جاۋاپ بولدى ما؟» - «ANTIKOR ORTALYǴY» الاڭىنداعى «AANTIKOR. LIVE» جوباسى اياسىندا پارلامەنت سەناتىنىڭ دەپۋتاتى، الەۋمەتتىك- مادەني دامۋ جانە عىلىم كوميتەتىنىڭ ءتوراعاسى مۇرات باقتيار ۇلىنا وسى سۇراق قويىلدى.

«دەپۋتاتتىق ساۋالعا جاۋاپ بەرىلدى. جاۋاپ بويىنشا 2025 -جىلعا دەيىنگى مەملەكەتتىك ءتىل باعدارلاماسى قابىلدانىپ، سول كەزەڭدە زاڭدى وزگەرتەمىز دەيدى.. . قازىر مەملەكەتتىك تىلگە بايلانىستى حاتقا قوعامدا قول جيناۋ باستالدى. 200 مىڭعا جۋىق ادام قول قويعانن. سوندىقتان بۇل ماسەلەنى وركەنيەتتى جولمەن شەشۋىمىز كەرەك. بۇعان ارنايى كوميسسيا قۇرماي- اق، كونستيتۋتسيانىڭ 7- بابىنداعى رەسمي تىلگە بايلانىستى ماسەلەنى قاراۋىمىز كەرەك»، - دەدى سەناتور.

مۇرات باقتيار ۇلىنىڭ ايتۋىنا قاراعاندا، ەلىمىزدە ورىس نەمەسە وزبەك تىلدىلەر گازەت، تەاتر، اقپارات قۇرالدارىنىڭ جۇمىسىن جالعاستىرا بەرە الادى.

«جاسىرمايمىز. بۇل - وركەنيەتتى ەلدەردىڭ بارىندە بار. مەملەكەتتىك ءتىلدىڭ ماسەلەسى تەك زاڭدى وزگەرتۋ جولىمەن عانا شەشىلەدى. مەنىڭشە، قوعام، مەملەكەت وعان قازىر دايىن. مىسالى وڭتۇستىك پەن باتىس وڭىرلەر - ءۇش- ءتورت وبلىستان باسقانىڭ ءبارىنىڭ ءىس- قاعازدارى، جينالىستارى مەملەكەتتىك تىلدە جۇرگىزىلەدى. الماتى وبلىسىنان باستاپ باتىس قازاقستان، قىزىلوردا، تۇركىستان، شىمكەنت، جامبىل - ءبارى دە مەملەكەتتىك تىلگە كوشىپ كەتتى»، - دەدى سەناتور.