12:02, 29 - مامىر 2020 | GMT +6
گولوۆكيننىڭ كەلەسى ايقاسى قايدا وتەتىنى بەلگىلى بولدى
نۇر- سۇلتان. قازاقپارات - The Ring جۋرنالى قازاقستاندىق بوكسشى گەننادي گولوۆكيننىڭ (40-1-1, 35 ك و) كەلەسى جەكپە- جەگىن قايدا وتكىزەتىنى تۋرالى جازدى، دەپ حابارلايدى Sports.kz.
ونىڭ قارسىلاسى - پولشا بوكسشىسى كاميل شەرەمەتا (21-0, 5 ك و)، ايقاس ا ق ش- تىڭ چيكاگو قالاسىندا بولادى. جۇدىرىقتاسۋدىڭ وتەتىن كۇنى ازىرگە بەلگىسىز، الايدا پروموۋتەر ەددي حيرن ونىڭ تامىز ايىندا ۇيىمداستىرىلاتىندىعىنا ۇمىتتەنىپ وتىر. ەسكە سالا كەتسەك، گولوۆكيننىڭ شەرەمەتامەن جەكپە- جەگى اقپان ايىنان بەرى بىرنەشە رەت ءتۇرلى سەبەپتەرمەن كەيىنگە قالدىرىلعان. بۇل رەتتە، بوكسشىلار جۇدىرىقتاساتىن ورىن بەلگىلى بولدى - بۇل چيكاگونىڭ Wintrust Arena سى. شەرەمەتامەن ايقاستا گولوۆكيننىڭ IBF تۇجىرىمداماسى بويىنشا ورتا سالماقتاعى الەم چەمپيونى اتاعى باسكە تىگىلەدى.