قازاقستان پرەزيدەنتى ب ۇ ۇ باستاماسىمەن ۇيىمداستىرىلعان فورۋمعا قاتىسادى

None
None
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ بۇگىن «COVID-19 تۇسىندا جانە ودان كەيىنگى كەزەڭدە دامۋدى قارجىلاندىرۋ» اتتى جوعارى دەڭگەيدەگى فورۋمعا قاتىسادى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي Facebook-تەگى پاراقشاسىندا حابارلادى.

«ب ۇ ۇ باستاماسىمەن ۇيىمداستىرىلعان بۇل ءىس-شارا بەينە كونفەرەنسيا فورماتىندا وتەدى. مەملەكەت باسشىسى قازىرگى ۋاقىتتا قازاقستان ءتوراعالىق ەتەتىن تەڭىزگە شىعاتىن جولى جوق دامۋشى ەلدەر توبىنىڭ اتىنان ءسوز سويلەيدى» دەلىنگەن حابارلامادا.

مالىمەتكە ساي، سەسسيا بارىسىندا ب ۇ ۇ باس حاتشىسى انتونيۋ گۋتەرريش، كانادانىڭ پرەمەر- ءمينيسترى دجاستين تريۋدو، گەرمانيا كانتسلەرى انگەلا مەركەل، فرانتسيا پرەزيدەنتى ەممانيۋەل ماكرون، جاپونيا پرەمەر-ءمينيسترى سيندزو ابە جانە باسقا دا مەملەكەتتەر مەن حالىقارالىق ۇيىمداردىڭ باسشىلارى ءسوز سويلەيدى دەپ جوسپارلانىپ وتىر. فورۋم تىكەلەي ەفير ارقىلى نۇر-سۇلتان قالاسىنىڭ ۋاقىتى بويىنشا ساعات 18.00-دە webtv.un.org سايتىنان كورسەتىلەدى.

سوڭعى جاڭالىقتار