15:47, 24 - مامىر 2020 | GMT +6
شەتەلدىك جانكۇيەرلەر ديماشتىڭ تۋعان كۇنىن اتاپ وتۋدە
نۇر- سۇلتان. قازاقپارات - بۇگىن تانىمال قازاقستاندىق ءانشى ديماش 26 جاسقا تولدى، ونىڭ قىتايلىق جانكۇيەرلەرى الەۋمەتتىك جەلى ارقىلى ءانشىنىڭ تۋعان كۇنىن اتاپ وتۋدە، دەپ حابارلايدى قازاقپارات.
كوپتەگەن ادامدار تۋعان كۇندى تويلاۋعا ارنالعان قىسقا بەينەروليكتەر جاساپ، وسىلايشا ديماشقا تىلەكتەرىن ءبىلدىردى. كەيبىر جانكۇيەرلەر ديماشتى تۋعان كۇنىمەن قۇتتىقتاۋ ءۇشىن تۇسىرىلگەن قىسقا مەتراجدى فيلمدەردە ءان ايتىپ، بي بيلەپ، فورتەپيانودا وينادى.
كەيبىر جانكۇيەرلەر ديماش ءۇشىن سۇيكىمدى پورترەتىن ازىرلەگەن. قىتايدا ءجيى قولدانىلاتىن الەۋمەتتىك جەلى Weibo-دا، كوپتەگەن جانكۇيەرلەر ديماشتىڭ جەكە اككاۋنتىندا تۋعان كۇنگە ارنالعان قۇتتىقتاۋىن قالدىردى. تۋعان كۇنگە ارنالعان پاراقشادا پىكىر قالدىرعان جانە بولىسكەن ادامدار سانى 20000-نان استى جانە ول ءالى دە ءوسىپ كەلەدى. ەسكە سالا كەتسەك، ديماشتىڭ جانكۇيەرلەرى ءانشىنىڭ تۋعان كۇنىنە سىيلىق رەتىندە شولگە 3 مىڭنان استام تال ەكتى.
مۇحتار مۇرات