ەلوردانىڭ باس يمامى ورازا ايتتى ۇيدە قارسى الۋعا شاقىردى
نۇر- سۇلتان قالاسىنىڭ باس يمامى ق م ب د مالىمدەمەسىنە سايكەس، ورازا ايت مەرەكەسىن كارانتين جاعدايىندا بارىنشا ساقتىق شارالارىن ساقتاپ، ۇيدە قارسى الۋعا شاقىردى. «قادىرمەندى ەلوردالىقتار، اللا تاعالا بارشامىزدىڭ رامازان ايىندا ۇستاعان ورازامىزدى قابىل ەتسىن. قازاقستان مۇسىلماندار ءدىني باسقارماسىنىڭ مالىمدەۋىنشە، بيىلعى ايت مەيرامى مامىردىڭ 24نە سايكەس كەلىپ تۇر. ءبىراق وكىنىشكە قاراي، ەل كارانتين جاعدايىندا بولعاندىقتان كەڭىنەن اتاپ وتە المايمىز. ءاربىر مۇسىلمان ىندەتتىڭ ءورشىپ كەتۋ قاۋپى بولعاندىقتان ساقتىق شارالارىنا ءجىتى ءمان بەرۋ قاجەت. بارىنشا وتباسىمىزبەن، ۇيدە بىرگە وتكىزگەنىمىز دۇرىس بولادى. ايتتا تۋعان- تۋىستارىمىزدى، جاقىندارىمىزدى قۇتتىقتاۋ - مۇسىلماننىڭ مىندەتى. ق م ب د مالىمدەمەسىنە تۇسىنىستىك تانىتىپ، ۇيدە بولۋىڭىزدى سۇرايمىز» ، - دەيدى ەلوردانىڭ باس يمامى ءوز قۇتتىقتاۋىندا.
ونىڭ سوزىنە سەنسەك، ايت نامازىن وقي الماعان ادام، ونىڭ ورنىنا «ۋاد- دۋحاا» نامازىن وقيدى. «اللا رامازان ايىندا جاسالعان ىزگى امالدارىمىزدى، ۇستاعان ورازالارىمىزدى قابىل ەتكەي. ەلىمىزدىڭ تۇعىرىن بيىك قىلعاي» دەپ تۇيىندەدى ەلوردانىڭ باس يمامى.