21:31, 22 - مامىر 2020 | GMT +6
قىتاي العاش رەت ج ءى ءو ءوسىمى بويىنشا جوسپار بەكىتۋدەن باس تارتتى
نۇر-سۇلتان. قازاقپارات - قىتاي ۇكىمەتى كوروناۆيرۋس پاندەمياسىنا بايلانىستى ەكونوميكالىق ساياساتتا ەرەكشە قادام جاسادى، دەپ حابارلايدى «حابار 24».
1994 -جىلدان بەرى رەسمي بەيجىڭ العاش رەت 2020 -جىلعا جالپى ىشكى ءونىمىنىڭ ءوسىمى بويىنشا جوسپار بەكىتۋدەن باس تارتتى. قىتاي پارلامەنتىنىڭ جىل سايىن وتەتىن سەسسياسىندا وسىنداي مالىمدەمە جاسالدى.
دەگەنمەن، ەل بيلىگى كەدەيلىكتى ازايتۋ جانە بارلىق سالالاردا اۋقاتتى قوعام قۇرۋعا باعىتتالعان جۇمىسقا كوڭىل ءبولۋدى كوزدەپ وتىر. بۇل تۇستا جۇمىسسىزدىقپەن كۇرەس، قارجىلىق سالانى قاداعالاۋ جانە سىرتقى ساۋدا مەن ينۆەستيتسيالار سالاسىندا احۋالدى جاقسارتۋ شارالارىن قولعا الۋ قاراستىرىلعان.
لي كىشياڭ، ق ح ر مەملەكەتتىك كەڭەسىنىڭ پرەمەر- ءمينيسترى:
- بيىل ەكونوميكالىق ءوسىم بويىنشا جوسپار بەكىتپەگەنىمىزگە نازار اۋدارعىم كەلەدى. ويتكەنى COVID-19 پاندەمياسىنا بايلانىستى الەمدىك ەكونوميكا مەن ساۋدادا جاعداي قالاي ءوربيتىنىن بولجاۋ قيىن.