+7 (701) 759 90 19
11 °С : نۇر-سۇلتان
14 °С : الماتى
USD 399.67 EUR 452.95
RUB 5.82 CNY 56.36
جاڭالىقتار

بوكسقا ورالۋدى كوزدەگەن «تەمىر مايك» جايلى بىلەرىڭىز كوپ پە؟

22 مامىر 19:51
:ءبولىسۋ
بوكسقا ورالۋدى كوزدەگەن «تەمىر مايك» جايلى بىلەرىڭىز كوپ پە؟

نۇر-سۇلتان. قازاقپارات - Marca باسىلىمى وقىرماندارىنىڭ اراسىندا 2020 -جىلى كىمنىڭ جەكپە- جەگىن كورگىڭىز كەلەدى دەگەن ساۋالناما جاساپتى.

ءبىرىنشى ورىنعا بوكسقا ورالۋدى ويلاپ جۇرگەن مايك تايسوننىڭ ەۆاندەر حوليفيلدكە قارسى ءۇشىنشى جەكپە- جەگى جايعاسقان. ساۋالناماعا قاتىسۋشىلاردىڭ %52 تايسون - حوليفيلد جەكپە- جەگىن اسىعا كۇتىپ جۇرگەنىن ايتادى. 15 جىل بۇرىن مانسابىن اياقتاعان مايك تايسون جاقىندا بوكسقا ورالاتىنىن مالىمدەپ، ءوزىنىڭ ءالى بابىندا ەكەنىن كورسەتتى. ول ۇنەمى جاتتىعۋىنان بەينەۇزىندىلەردى جاريالاپ، ءتۇرلى بوكسشىلاردى جەكپە- جەككە شاقىردى. جاسى 53 كە كەلسە دە ءالى شارشى الاڭعا ۇمتىلعان «تەمىر مايك» جايلى بىلەرىڭىز كوپ پە؟

مايك تايسون جيىرما جىلعا سوزىلعان كاسىبي مانسابىندا بارلىعى 58 كەزدەسۋ وتكىزىپ، ونىڭ 50- ءىن جەڭىسپەن اياقتاعان (44 جەڭىسىن نوكاۋتپەن ۇتقان) . 6 كەزدەسۋدە جەڭىلگەن بولسا، 2 كەزدەسۋ بەلگىلى سەبەپتەرگە بايلانىستى وتپەي قالدى. سوڭعى جەكپە- جەگىن 2005 -جىلى يرلانديالىق كيەۆين ماكبرايد ەسىمدى بوكسشىعا قارسى وتكىزىپ، تەحنيكالىق نوكاۋتپەن جەڭىلىس تاپقان. اسا اۋىر سالماقتا «تەمىر مايك» WBC (22 قاراشا 1986 - 11 - اقپان 1990, 16 - ناۋرىز 1996 - 24 - قىركۇيەك 1996) ، WBA (7 ناۋرىز 1987 - 11- اقپان 1990, 7 -قىركۇيەك 1996 - 9 -قاراشا 1996) جانە IBF (1 تامىز 1987 - 11 -اقپان 1990) تۇجىرىمدارى بويىنشا الەم چەمپيونى بولعان.


20 جىلعا سوزىلعان مانسابىندا مايك تايسون ءۇش بىردەي رەكورد قويعان. بۇل كورسەتكىشتەر ءالى كۇنگە ەشكىمگە بەرىلەر ەمەس: 1. اسا اۋىر سالماقتاعى ەڭ جاس الەم چەمپيونى - تايسوننىڭ جاسى نەبارى جيىرمادا بولعان. 2, اسا اۋىر سالماقتاعى الەمنىڭ ەڭ جاس ءابسوليۋتتى (سول كەزدەگى نەگىزگى ءۇش تۇجىرىم بويىنشا) چەمپيونى - جيىرما ءبىر جاسىندا. 3. كاسىپقوي رينگكە العاش قادام باسقاننان كەيىن از ۋاقىت ارالىعىندا اۋىر سالماقتاعى تيتۋلدار مەن ابسوليۋتتى چەمپيون اتاعىنا قول جەتكىزگەن بوكسشى.

تايسون چەمپيون بولۋ ءۇشىن 1 جىل 8 اي ۋاقىتىن جۇمساسا، ابسوليۋتتى چەمپيون اتانۋ ءۇشىن بار بولعانى 2 جىل 5 اي قاجەت بولعان. مايك تايسوننىڭ جويقىن سوققىسى مەن ونىڭ مىزعىماس قورعانىسىنا بايلانىستى جانكۇيەرلەپ ونى «تەمىر مايك» دەپ اتاپ كەتتى. ول ءالى كۇنگە دەيىن سوققىسى جويقىن بوكسشىلاردىڭ ءار ءتۇرلى رەيتينگىندە كوش باستاپ ءجۇر. ونىڭ سوققىسىنىڭ كۇشى 1150 كيلونى قۇرايدى ەكەن. ەندى نازارىڭىزعا مايك تايسوننىڭ ومىرىنەن قىزىقتى فاكتىلەردى ۇسىنامىز.


بوكسقا قادام باسۋ. اتاقتى بوكسشى كاسىبي مانسابىن مۇحاممەد اليمەن وتكەن كەزدەسۋدەن كەيىن باستايدى. مايك تايسون تۇرمەدە جاتقان كەزىندە بالالارعا دۇرىس باعىت- باعدار بەرۋ ءۇشىن ارنايى ايگىلى سپورتشىمەن كەزدەسۋ وتەدى. سول كەزدەسۋدەن العان اسەرىنەن كەيىن تايسون ءوزىنىڭ شارشى الاڭ ءۇشىن جارالعانىن تۇسىنەدى. ەڭ قىسقا جەكپە- جەك. كاسىبي دەڭگەيدەگى جەكپە- جەكتىڭ بىرىندە مايك شارشى الاڭدا وتىز- اق سەكۋند ونەر كورسەتتى. بۇل كەزدەسۋ 1986 -جىلى ءوتتى. وندا مايك تايسون تانىمال دجو فرەيزەردىڭ ۇلى مارۆيس فرەيزەردى نوكاۋتقا ءتۇسىردى. ول ءوزىنىڭ قارسىلاسىنا مۇلدەم مۇمكىندىك بەرمەي، ءبىر بۇرىشقا قىسىپ، وڭ قولىمەن يەك استىنان جوعارى قاراي باعىتتالعان (اپپەركوت) سوققى جۇمساپ، ارتىنشا تاعى بىرنەشە جويقىن سوققىلار جاساپ ۇلگەردى. مۇنداي شابۋىلعا شىداماعان فرەيزەر بىردەن نوكاۋتقا قۇلادى.

تۇمارى - تاتۋيروۆكاسى. تايسون ءوزىنىڭ ەڭ سەنىمدى تۇمارىم دەپ تاتۋيروۆكالارىن ايتادى. ولار كاسىبي بوكسشى دا از ەمەس. ءبىرىنشىسى - سول جاق بىلەگىندە ورنالاسقان. وندا ونىڭ ەكىنشى ايەلى بەينەلەنگەن. ال وڭ جاق يىعىندا امەريكاندىق تەننيسشى ارتۋر ەش تۇرسا، سول جاق بىلەگىندە ايداھاردىڭ سۋرەتى سالىنعان. سونىمەن قاتار سپورتشى جاۋىرىنىنا ماۋزىدۇڭنىڭ، ال تومەنگى قابىرعاسىنا چە گيەۆارانىڭ بەينەسىن سالدىرتقان.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات