پاكىستاندا جولاۋشىلار ۇشاعى اپاتقا ۇشىرادى

None
None
كاراچي. قازاقپارات - Pakistan International Airlines (PIA) جولاۋشىلار ۇشاعى بۇگىن، 22 - مامىردا كاراچي قالاسىنا جاقىن ماڭدا اپاتقا ۇشىرادى، دەپ حابارلايدى قازاقپارات Dispatch News Desk (DND) باسىلىمىنا سىلتەمە جاساپ.

DND مالىمەت بويىنشا، ۇشاق بورتىندا 95 جولاۋشى بولعان. اگەنتتىك ەكيپاج مۇشەلەرىنىڭ سانى تۋرالى مالىمەت بەرمەگەن. جولاۋشىلار ۇشاعى پاكىستاندا ۇلكەندىگى بويىنشا ەكىنشى سانالاتىن لاحور قالاسىنان سيند پروۆينتسياسىنىڭ ورتالىعى كاراچيگە باعىت العان. دجيننا حالىقارالىق اۋەجايىنا قونۋعا از قالعاندا ۇشاق قۇلادى. بولجام بويىنشا اپاتقا تەحنيكالىق اقاۋ سەبەپ. دەرەككوزدەرگە سىلتەمە جاساعان DND، ۇشاقتىڭ تۇرعىن ءۇي اۋماعىنا قۇلاعانىن ءمالىم ەتتى. ۇشاقتىڭ قۇلاۋى سالدارىنان بىرنەشە ۇيگە زاقىم كەلگەن. پاكىستان اسكەرى وقيعا ورنىنا جەتتى.

سوڭعى جاڭالىقتار