+7 (701) 759 90 19
18 °С : نۇر-سۇلتان
17 °С : الماتى
USD 399.51 EUR 447.33
RUB 5.78 CNY 56.10
جاڭالىقتار

عالامداعى ەڭ كونە جۇلدىز

22 مامىر 19:07
:ءبولىسۋ
عالامداعى ەڭ كونە جۇلدىز

نۇر-سۇلتان. قازاقپارات -ءبىزدىڭ عالام پايدا بولعانىنا 13,8 ميلليارد جىل ءوتتى دەيدى عالىمدار. سوندا العاش پايدا بولعان جۇلدىزداردىڭ جاسى نەشەدە؟

اسپاندا العاشقى جارىقتار ۇلكەن دۇمپۋدەن سوڭ 180 ميلليون جىل وتكەندە جانا باستادى. دەگەنمەن عالىمدار ءالى كۇنگە ناقتى ۋاقىتىن ايتا الماي كەلەدى. عالىمدار ءبىزدىڭ عالامنىڭ جاسىن 1929 -جىلى عانا انىقتاي الدى. امەريكالىق استرونوم ەدۆين حاببل عالامنىڭ قاشان پايدا بولعانىن ايتىپ قانا قويماي، وسىعان ۇقساس وزگەلەرى دە بار ەكەنىن تاپتى. حاببل عالامداردىڭ اراقاشىقتىعى مەن ولاردىڭ ءبىر- بىرىنەن الشاقتاۋ جىلدامدىعىن ولشەي وتىرىپ، قاشان ءبىر نۇكتەدە بولعانىن انىقتاۋعا بولاتىنىن ءتۇسىندى.

ارينە، بۇل عالامنىڭ ناقتى جاسىن كورسەتپەيدى. دەگەنمەن ۋاقىت وتە ءبارى ءوز ورنىنا كەلە باستادى. «پلانك» عارىش اپپاراتى ءبىزدىڭ عالامنىڭ پايدا بولعانىنا 13,8 ميلليارد جىل وتكەنىن انىقتاعان. بۇعان عالىمدار عارىشتاعى ميكروتولقىندى فوندىق ساۋلەلەندىرۋدى زەرتتەۋ ارقىلى قول جەتكىزگەن. عالىمدار جۇلدىزداردىڭ جاسىن انىقتاۋ ءۇشىن ونىڭ قۇرامىنداعى تەمىردى زەرتتەيدى. عالام العاش پايدا بولعاندا جۇلدىزدار سۋتەك پەن گەليدەن تۇرعان. دەگەنمەن الپاۋىت جۇلدىزداردىڭ قۇرامىندا كرەمني مەن تەمىر بىردەن پايدا بولادى. ولار عالامات جۇلدىزدارعا اينالىپ، جارىلعان سوڭ قۇرامىنداعى ەلەمەنتتەر جان- جاققا ۇشىرايدى.


Monthly Notices of the Royal Astronomical Society: Letters جۋرنالىندا جاريالاعان زەرتتەۋدە عالىمدار عالامداعى ەڭ كونە جۇلدىزدىڭ جاسىن انىقتاعان. استرونومدار عالاممەن ءبىر ۋاقىتتا پايدا بولدى دەپ توپشىلاعان جۇلدىزدى باقىلاۋعا العان. قىزىل الپاۋىت جاقىن ۋاقىتتا عالامات جۇلدىزعا اينالادى. عالىمدار ونىڭ قۇرامىنداعى تەمىر مولشەرى وزگە جۇلدىزدارمەن سالىستىرعاندا وتە از ەكەنىن انىقتاعان. بۇل جۇلدىزدىڭ عالام جاڭا پايدا بولعاندا تۋعانىنا دالەل دەيدى عالىمدار. ونىڭ ۇستىنە قىزىل الپاۋىت تىرشىلىگىن اياقتاۋعا ءازىر. ول عالامات جۇلدىزعا اينالىپ، جارىلادى. عالىمدار عالامداعى ەڭ كون جۇلدىزعا SMSS J160540. 18-144323.1 دەگەن اتاۋ بەرگەن. ول قۇس جولىنا جاقىن ورنالاسقان. جەردەن شامامەن 35000 مىڭ جارىق جىل قاشىقتىقتا ەكەن.

Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات