بەيسەن قۇرانبەك اتىنداعى «جىگەر» سىيلىعى تاعايىندالدى

ۇلتتىق سىيلىقتىڭ باستى ماقساتى - ارداقتى ازامات، ەلىمىزگە بەلگىلى تەلەجۋرناليست بەيسەن قۇرانبەكتىڭ ەسىمىن ماڭگىلىككە ساقتاپ قالۋ جانە تالانتتى جاس جۋرناليستەردى تانۋ، ولاردىڭ كاسىبي جاعىنان ودان ءارى دامۋىنا جاردەم بەرۋ. سىيلىق 4 نوميناتسيا بويىنشا بەرىلەدى.

- الەۋمەتتىك تاقىرىپتاعى ۇزدىك ت ۆ سيۋجەت؛

- الەۋمەتتىك تاقىرىپتاعى ۇزدىك ماقالا؛

- الەۋمەتتىك تاقىرىپتاعى ۇزدىك ماتەريال (الەۋمەتتىك جەلى) ؛

- الەۋمەتتىك تاقىرىپتاعى ۇزدىك فوتوسۋرەت.

بايقاۋعا تەليەۆيزيا، باسپا، ينتەرنەت جۋرناليستيكانىڭ جانە فوتوسۋرەتشىلەر، جاڭا مەديا (الەۋمەتتىك جەلىلەر) سالانىڭ كاسىبي جانە كاسىبي ەمەس جاس جۋرناليستەرى (18-35 جاس ارالىعى) قاتىسىپ، باعىن سىناي الادى. بايقاۋ ۇزدىكتەرىن ارنايى قۇرىلعان قازىلار القاسىنىڭ مۇشەلەرى ايقىندايتىن بولادى. قازىلار القاسىنىڭ قۇرامىنا ەلىمىزدىڭ مەديا سالاسىنىڭ دامۋىنا ەلەۋلى ۇلەس قوسقان تانىمال مەديا مەنەدجەرلەر، جۋرناليستەر، قوعام قايراتكەرلەرى كىرەدى.

«جىگەر» سىيلىعىنا ءوتىنىش 2020 -جىلدىڭ 26 - مامىر مەن 15 - ماۋسىم ارالىعىندا mdq.kz سايتىندا قابىلدانادى. سىيلىققا قاتىستى تولىق اقپاراتتى (قاتىسۋ ەرەجەسىن) «مەديا دامىتۋ قورى» كورپوراتيۆتىك قورىنىڭ رەسمي سايتىنان (mdq.kz) الا الاسىز. سونداي- اق، سالتاناتتى ماراپاتتاۋ جۋرناليستەردىڭ كاسىبي مەرەكەسى قارساڭىندا حابارلانباق. ەسكە سالساق، 18- مامىردا بەلگىلى جۋرناليست بەيسەن قۇرانبەك 49 جاسقا قاراعان شاعىندا دۇنيەدەن ءوتتى. وسىعان وراي ق ر پرەزيدەنتى مەن ەلباسى بەيسەن قۇرانبەكتىڭ جاقىندارى كوڭىل ايتۋ جەدەلحاتتارىن جولدادى.