مەملەكەتتىك بۇقارالىق اقپارات قۇرالدارى وڭتايلاندىرىلماق

بۇل تۇرعىدا «ەگەمەن قازاقستان» ا ق، «كازاحستانسكايا پراۆدا» ا ق، «حابار» ا ق، «قازاقستان» ر ت ر ك» ا ق، «قازمەدياورتالىعى» ج ش س، «قازتەلەراديو» ا ق ەسكەرىلگەن.

قازاقستان رەسپۋبليكاسى ۇكىمەتىنىڭ 2020 -جىلعى 7 - ساۋىردەگى № 183 قاۋلىسى. قازاقستان رەسپۋبليكاسىنىڭ ۇكىمەتى قاۋلى ەتەدى:

1. قوسا بەرىلىپ وتىرعان اقپارات سالاسىن دامىتۋدىڭ 2020 - 2022 -جىلدارعا ارنالعان ۇلتتىق جوسپارى (بۇدان ءارى - ۇلتتىق جوسپار) بەكىتىلسىن.

2. ۇلتتىق جوسپاردى ورىنداۋعا جاۋاپتى ورتالىق مەملەكەتتىك جانە جەرگىلىكتى اتقارۋشى ورگاندار: 1) ۇلتتىق جوسپاردى ىسكە اسىرۋ بويىنشا قاجەتتى شارالاردى قابىلداسىن؛ 2) جىلىنا ەكى رەت، ەسەپتى جىلدان كەيىنگى 10 - قاڭتاردان جانە 10 - شىلدەدەن كەشىكتىرمەي قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگىنە اقپارات سالاسىن دامىتۋ جونىندەگى 2020 - 2022 -جىلدارعا ارنالعان ءىس- شارالار جوسپارىنىڭ ورىندالۋ بارىسى تۋرالى اقپارات بەرسىن.

3. ق ر اقپارات جانە قوعامدىق دامۋ مينيسترلىگى ەسەپتى جىلدان كەيىنگى 25 - قاڭتاردان جانە 25 - شىلدەدەن كەشىكتىرمەي ق ر پرەمەر- ءمينيسترىنىڭ كەڭسەسىنە جانە قر پرەزيدەنتىنىڭ اكىمشىلىگىنە ۇلتتىق جوسپار ءىس- شارالارىنىڭ ىسكە اسىرىلۋ بارىسى تۋرالى جيىنتىق اقپارات بەرسىن.

4. وسى قاۋلىنىڭ ورىندالۋىن باقىلاۋ ق ر اقپارات جانە قوعامدىق دامۋ مينيسترلىگىنە جۇكتەلسىن.

5. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى. ق ر پرەمەر- ءمينيسترى ا. مامين وتاندىق ب ا ق- تىڭ باسەكەگە قابىلەتتىلىگىن ارتتىرۋ ءۇشىن ب ا ق- تى مەملەكەتتىك قولداۋ تاسىلدەرىن قايتا قاراۋ كوزدەلگەن. وسىعان بايلانىستى، جاڭالىقتار ماتەريالدارىن وندىرۋگە مەملەكەتتىك اقپاراتتىق تاپسىرىستان قاراجات ءبولۋدى الىپ تاستاۋدى قاراۋ قاجەتتىگى، سول ارقىلى ولاردى الەۋمەتتىك ماڭىزى بار تاقىرىپتاردى جاريا ەتۋگە باعىتتاۋ كەرەكتىگى اتاپ وتىلگەن. وسى شارانى ينتەرنەتتە، مەرزىمدى باسپا ءسوز باسىلىمدارىندا مەملەكەتتىك اقپاراتتىق ساياساتتى جۇرگىزۋ شەڭبەرىندە جۇزەگە اسىرۋعا بولادى.

«سونىمەن قاتار، باسپا باق- تا تالدامالىق كونتەنتكە باسا نازار اۋدارۋدى كوزدەۋ قاجەت. جاڭالىقتار ماتەريالدارىن ينتەرنەت- رەسۋرستارىنىڭ جاريالاۋ جەدەلدىگى سياقتى وبەكتيۆتى سەبەپتەرگە بايلانىستى باسپا ب ا ق- تاردىڭ جۋرناليستىك زەرتتەۋلەردى، شولۋ ماتەريالدارىن، ساراپتامالىق ماقالالاردى جانە باسقالاردى قوسا العاندا، تالدامالىق كونتەنتتىڭ ورنىن يەلەنگەنى ءجون» ، - دەلىنگەن جوسپاردا.

سونداي- اق، اقپارات سالاسىندا كۆازيمەملەكەتتىك سەكتور سۋبەكتىلەرىن وڭتايلاندىرۋ جۇرگىزىلەدى.

«بۇگىندە مەدياحولدينگتەر كوپتەگەن مىندەتتەردى شەشۋگە مۇمكىندىك بەرەدى جانە ۇيىمدىق قىزمەتتى ورتالىقتاندىرۋدى، ماسەلەلەردى جەدەل قارجىلىق- ەكونوميكالىق شەشۋ مۇمكىندىگىن، شىعىنداردى وڭتايلاندىرۋدى، ونىڭ ىشىندە اكىمشىلىك- تەحنيكالىق پەرسونالعا ۇنەمدەۋدى قوسا العاندا، ءبىرقاتار ارتىقشىلىقتارعا يە. مەدياحولدينگتەردى قۇرۋ ۇيىمنىڭ شىعارماشىلىق الەۋەتىنە نازار اۋدارۋعا مۇمكىندىك بەرەدى» ، - دەلىنگەن قۇجاتتا.

وسى ورايدا ونلاين جانە باسپا ب ا ق سالاسىندا جەكە مەدياحولدينگتەر قۇرۋ نارىق سۇرانىستارىنا يكەمدى دەن قويۋعا، ساپالى باسەكەلەس ءونىم ۇسىنۋعا، سونداي- اق ولاردى قامتاماسىز ەتۋگە ارنالعان بيۋدجەت قاراجاتىن ۇنەمدەۋگە مۇمكىندىك بەرەتىندىگى اتالىپ وتكەن. مۇنىمەن قوسا، ءبىرىڭعاي ماتەريالدىق- تەحنيكالىق بازا قۇرىلادى.

«ماتەريالدىق- تەحنيكالىق جابدىقتاردى ەرگونوميكالىق پايدالانۋدى، سونداي- اق بيۋدجەت قاراجاتىن ۇنەمدەۋدى ۇيىمداستىرۋ ءۇشىن مەملەكەتتىك تەلەارنالارعا ارنالعان ءبىرىڭعاي ماتەريالدىق- تەحنيكالىق بازا قۇرۋدىڭ تيىمدىلىگىن زەردەلەۋ ۇسىنىلادى. ءوز جابدىقتارىنان باسقا تەلەارنالار وسى بازانىڭ رەسۋرستارىن پايدالانا الادى، بۇل ولاردىڭ كونتەنت دايىنداۋداعى مۇمكىندىكتەرىن كەڭەيتەدى» ، - دەپ جازىلعان جوسپاردا.

وسى شارا مەملەكەتتىك تەلەارنالاردىڭ ماتەريالدىق- تەحنيكالىق بازاسىن جاڭارتۋدى دا كوزدەيدى. بۇدان بولەك، بلوگەرلەردىڭ قۇقىقتىق مارتەبەسىن ايقىنداۋ ماسەلەسىنە نازار اۋدارىلعان.

«ينتەرنەت جەلىسىن دامىتۋ جۋرناليستيكانىڭ، ونىڭ ىشىندە ازاماتتىق جۋرناليستيكانىڭ جاڭا تۇرلەرىن دامىتۋعا ىقپال ەتەدى. بۇگىندە الەۋمەتتىك جەلىلەر مەن ءارتۇرلى جەلىلىك پلاتفورمالار اۋديتورياسىنىڭ ءوسۋىنىڭ ارقاسىندا بلوگەرلەر ماسەلەلەردىڭ اۋقىمدى سپەكترى جونىندە اۋديتوريانىڭ حاباردار بولۋىنا جانە جالپى قوعامدىق پىكىرگە ايتارلىقتاي اسەر ەتەدى. بلوگەرلەردىڭ قىزمەتىن قۇقىقتىق رەتتەۋ ماقساتىندا كوپتەگەن ەلدەر ءبىرقاتار حالىقارالىق قۇجاتتاردى باسشىلىققا الادى. مىسالى، ازاماتتىق جانە ساياسي قۇقىقتار تۋرالى حالىقارالىق پاكتىنىڭ №34 جالپى تارتىپتەگى ەسكەرتۋىندە بىرىككەن ۇلتتار ۇيىمىنىڭ ادام قۇقىقتارى جونىندەگى كوميتەتى بلوگەرلەردىڭ قىزمەتىن جۋرناليستيكا نىسانىنا تەڭەستىرەدى:

«جۋرناليستىك فۋنكتسيالاردى ادامداردىڭ اۋقىمدى توبى، ونىڭ ىشىندە كاسىپقوي شتاتتىق رەپورتەرلەر مەن تالداۋشىلار، بلوگەرلەر جانە باسپا باسىلىمدارىندا، ينتەرنەتتە نەمەسە باسقا دا جەرلەردە جاريالاناتىن باسقا دا ادامدار اتقارادى. وسىلايشا، حالىقارالىق تاجىريبەنى ەسكەرە وتىرىپ، ەرىكتىلىك قاعيداتىنا نەگىزدەلگەن وتاندىق بلوگەرلەردىڭ قىزمەتىن قۇقىقتىق قامتاماسىز ەتكەن ءجون» ، - دەپ اتالىپ وتكەن جوسپاردا.

اتالعان شارا بلوگەرلەردى مەملەكەتتىك جانە حالىقارالىق ۇيىمداردا اككرەديتتەۋ قۇقىعىن قوسا العاندا، قۇقىقتارمەن جانە جۋرناليستەر جۇمىسىنىڭ ومىرلىك ماڭىزى بار بولىگى بولىپ سانالاتىن قورعاۋمەن (توتەنشە جاعدايلاردى جويۋ، قارۋلى ارنايى وپەراتسيالاردى جاريا ەتۋ كەزىندەگى تانىم بەلگىلەرى جانە باسقالار) قامتاماسىز ەتە الادى.