+7 (701) 759 90 19
16 °С : نۇر-سۇلتان
17 °С : الماتى
USD 399.51 EUR 447.33
RUB 5.78 CNY 56.10
جاڭالىقتار

جۋرناليستەرگە پارلامەنت بايقاۋ جاريالادى

22 مامىر 13:45
:ءبولىسۋ
جۋرناليستەرگە پارلامەنت بايقاۋ جاريالادى

نۇر-سۇلتان. قازاقپارات - بۇگىننەن باستاپ ءماجىلىس زاڭ شىعارۋ قىزمەتىن ۇزدىك ناسيحاتتاعان جۋرناليستەرگە ارنالعان «پارلامەنت ءسوزى» سىيلىعىنا ۇمىتكەرلەردەن ءوتىنىم قابىلداۋدى باستايدى، دەپ حابارلايدى قازاقپارات.

ءماجىلىس باسپا ءسوز قىزمەتىنىڭ مالىمەتىنشە، ەلىمىزدە ورىن العان كارانتين رەجيمى ءماجىلىس دەپۋتاتتارىنىڭ جۇمىس نىسانىن وزگەرتكەنىمەن، ونىڭ مازمۇنىنا اسەر ەتكەن جوق. وسى تۇرعىدا ماڭىزدى زاڭ جوبالارىن تالقىلاۋ، حالىقتى تولعاندىراتىن ماسەلەلەر بويىنشا ازىرلەنگەن دەپۋتاتتىق ساۋالدار بۇرىنعىداي جۇيەلى تۇردە جۋرناليستەرگە ۇسىنىلۋدا.

سوندىقتان بيىل دا باق قىزمەتكەرلەرى كۇنى قارساڭىندا ءماجىلىس «پارلامەنت ءسوزى» سىيلىعىنىڭ جەڭىمپازدارىن انىقتايتىن بولادى. ارنايى پارلامەنتتىك سىيلىق 2016 -جىلى پالاتا سپيكەرى نۇرلان ءنىعماتۋليننىڭ ءتوراعالىق ەتۋىمەن ءماجىلىس بيۋروسىنىڭ شەشىمى بويىنشا تاعايىندالعان. اتاۋلى سىيلىققا پالاتانىڭ زاڭ شىعارۋشىلىق قىزمەتى جايىندا 2019 -جىلدىڭ 3-قىركۇيەگى مەن 2020 -جىلدىڭ 15 ماۋسىمى ارالىعىندا جازىلعان جانە جارىق كورگەن ماتەريالدار قابىلدانادى. جەڭىمپازدار ءماجىلىستىڭ قىزمەتى تۋرالى ۇزدىك تەلەۆيزيالىق، مەرزىمدىك باسپا ءسوز، عالامتور مەن راديوماتەريالدار، سونىمەن بىرگە، فوتو جانە بەينەماتەريالدار بويىنشا انىقتالادى. سونداي-اق، قازاقستان پارلامەنتتىك جۋرناليستيكاسىنىڭ دامۋى مەن وركەندەۋىنە ۇلەس قوسقاندار دا ەسكەرىلەدى. وتىنىمدەر 2020 -جىلدىڭ 22-ماۋسىمىنا دەيىن قابىلدانادى.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات