+7 (701) 759 90 19
18 °С : نۇر-سۇلتان
19 °С : الماتى
USD 399.51 EUR 447.33
RUB 5.78 CNY 56.10
جاڭالىقتار

اكىم توتەنشە جاعداي كەزىندە تۋعان كۇنىن تويلاعان

22 مامىر 11:42
:ءبولىسۋ
اكىم توتەنشە جاعداي كەزىندە تۋعان كۇنىن تويلاعان

شاردارا. قازاقپارات - تۇركىستان وبلىسىندا توتەنشە جاعداي رەجيمىن بۇزعان لاۋازىمدى تۇلعالار جاۋاپقا تارتىلدى، دەپ حابارلادى قازاقپارات وبلىستىق پروكۋراتۋراعا سىلتەمە جاساپ.

2020 -جىلى 15-ناۋرىزدا قازاقستان رەسپۋبليكاسى پرەزيدەنتىنىڭ قازاقستاندا توتەنشە جاعداي ەنگىزۋ تۋرالى جارلىعى شىققان. جارلىققا سايكەس 17-ناۋرىزدا شاردارا اۋدانى اكىمدىگىنىڭ جانىنان توتەنشە جاعداي رەجيمىن قامتاماسىز ەتۋ جونىندەگى وڭىرلىك كوميسسيا قۇرىلىپ، وتباسى مۇشەلەرىن قوسپاعاندا، ءۇش ادامنان اساتىن توپپەن ءجۇرۋ، وتباسىلىق، مەرەكەلىك ءىس- شارالاردى توقتاتۋ سەكىلدى شەكتەۋلەر بەلگىلەنگەن.

سوعان قاراماستان 9-ساۋىردە شاردارا اۋدانى جاۋشىقۇم اۋىل وكرۋگىنىڭ اكىمى ن. د. نۇرسەيتوۆ جانە شاردارا اۋداندىق ءورت ءسوندىرۋ ءبولىمىنىڭ مامانى ب. اليمحانوۆ دوستارىمەن بىرگە تابيعات اياسىنا جينالىپ، فوتوسۋرەتكە تۇسكەن. بۇل مالىمەت الەۋمەتتىك جەلىدە جاريالانعان.

«مالىمەتتى تەكسەرۋ بارىسىندا جوعارىدا اتالعان تۇلعالار «ەنەرگوپوتوك» ج ش س قىزمەتكەرى ب. بازاروۆتىڭ تۋعان كۇنىن تويلاعانى انىقتالدى. وسىعان وراي 13-ساۋىردە شاردارا اۋدانىنىڭ پروكۋراتۋراسى تۋعان كۇن كەشىن ۇيىمداستىرۋشى ب. بازاروۆقا قاتىستى ق ر ا ق ب ك 476-بابى 3-بولىگىنە سايكەس اكىمشىلىك ءىس قوزعاپ، وعان 27780 تەڭگە ايىپپۇل سالىندى.

بۇدان بولەك، مەملەكەتتىك قىزمەتشىلەردىڭ جاۋاپتىلىعىن قاراۋ ماقساتىندا اۋدان پروكۋراتۋراسى ولاردىڭ توتەنشە جاعداي رەجيمىن بۇزۋىنا وراي قاداعالاۋ اكتىلەرىن ەنگىزدى. 13-ساۋىردە اۋدان پروكۋراتۋراسىنىڭ ۇسىنىسى ادەپ كەڭەسىندە قارالىپ، اۋدان اكىمىنىڭ وكىمىمەن جاۋشىقۇم اۋىل وكرۋگىنىڭ اكىمى ن. د. نۇرسەيتوۆكە «قاتاڭ سوگىس» بەرىلدى» دەلىنگەن حابارلامادا.

ال شاردارا اۋداندىق ءورت ءسوندىرۋ ءبولىمىنىڭ مامانى ب. اليمحانوۆ «قىزمەتىنە تولىق سايكەس ەمەستىگى تۋرالى ەسكەرتۋ» السا، سونداي-اق، ءوز قىزمەتكەرلەرىنە ءتيىستى ۆەدومستۆولىق باقىلاۋدى جۇرگىزبەگەن وسى ءبولىمنىڭ باستىعى ب. تۇراقۇلوۆ «قاتاڭ سوگىس» تۇرىندەگى تارتىپتىك جاۋاپقا تارتىلدى.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات