+7 (701) 759 90 19
22 °С : نۇر-سۇلتان
21 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

تۇركىستان وبلىسىندا بالالاردىڭ تەرەزەدەن قۇلاپ، سۋعا باتۋ وقيعالارى الاڭداتىپ وتىر

21 مامىر 08:29
:ءبولىسۋ
تۇركىستان وبلىسىندا بالالاردىڭ تەرەزەدەن قۇلاپ، سۋعا باتۋ وقيعالارى الاڭداتىپ وتىر

تۇركىستان. قازاقپارات - تۇركىستان وبلىسىندا جىل باسىنان بەرى التى بالا سۋعا باتىپ كەتكەن.

بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە وبلىستىق توتەنشە جاعدايلار دەپارتامەنتىنىڭ اعا وفيتسەرى وراز ايتقۇلوۆ مالىمدەدى، دەپ حابارلايدى قازاقپارات ءتىلشىسى.

ول كەلتىرگەن مالىمەتتەرگە قاراعاندا، وڭىردە تۇرعىندار سۋدا قاۋىپسىزدىك ەرەجەلەرىن ساقتامايدى جانە ارنايى بەلگىلەنبەگەن جەرلەردە شومىلا بەرەدى. سونىڭ سالدارىنان بيىلعى جىلدىڭ وزىندە 8 ادام سۋعا باتىپ كەتتى، ولاردىڭ ىشىندە 2-8 جاس ارالىعىنداعى بالالار بولعان. جەتكىنشەكتەردىڭ ولىمىنە ولاردى اتا-انالارىنىڭ قاراۋسىز قالدىرۋى سەبەپ بولعان.

«وتكەن جىلى 48 ادام سۋعا باتىپ، قايتىس بولدى. ولاردىڭ 18 ءى بالالار. تالداۋ كورسەتكەندەي، قايعىلى جاعدايلاردىڭ بارلىعى قۇتقارۋشىلار كۇزەتپەيتىن جەرلەردە بولعان. وبلىسىمىزدا رەسمي تۇردە تىركەلگەن 110 دەمالىس ورنى بار. ول جەرلەردە قۇتقارۋشىلار جۇمىس ىستەيدى. سونىمەن قاتار، سۋ ايدىندارىندا وبلىس تۇرعىندارىنىڭ قاۋىپسىزدىگىن قامتاماسىز ەتۋ ءۇشىن سۋدا جۇزۋگە تىيىم سالىنعان 268 بەلگى، 49 قاۋىپسىزدىك ەرەجەلەرى كورسەتىلگەن جارنامالىق بيلبوردتار ورناتىلدى. 12 دەمالىس ايماعىنىڭ يەلەرى مەموراندۋمعا قول قويدى»، - دەدى وراز شەرالى ۇلى.

دەپارتامەنت وكىلىنىڭ سوزىنشە، ايماقتا بالالاردىڭ ۇيلەردىڭ تەرەزەلەرىنەن قۇلاپ كەتۋ جاعدايلارى دا جيىلەپ كەتتى.

«بالالاردىڭ كوپ قاباتتى ۇيلەردىڭ تەرەزەسىنەن قۇلاۋ جاعدايلارى جيىلەدى. وكىنىشكە قاراي، مۇنداي وقيعالاردىڭ سوڭى كوبىنە قايعىلى جاعدايعا دۋشار ەتىپ جاتادى جانە ولار نەگىزىنەن ەرەسەكتەردىڭ بالالاردى نازاردان تىس قالدىرۋى سالدارىنان بولادى. ماسەلەن، تۇركىستان وبلىسىندا وتكەن جىلى وسىنداي 3 وقيعا تىركەلىپ، 8 جانە 4 جاستاعى بالالار تەرەزەدەن قۇلاپ، جاراقات الدى. ال 1 جاسار ءبۇلدىرشىن وقيعا ورنىندا مەرت بولدى. مۇنداي وقيعالاردىڭ الدىن الۋ ءۇشىن اتا-انالار بالالارىنا باقىلاۋدى كۇشەيتۋى قاجەت»، - دەدى وراز ايتقۇلوۆ.


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات