+7 (701) 759 90 19
22 °С : نۇر-سۇلتان
21 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

امەريكالىقتار اسىراپ العان قازاق بالاسى وسكەمەندەگى اعاسىن تاپتى

20 مامىر 22:54
:ءبولىسۋ
امەريكالىقتار اسىراپ العان قازاق بالاسى وسكەمەندەگى اعاسىن تاپتى

وسكەمەن. قازاقپارات - ا ق ش ازاماتتارى اسىراپ العان قازاق بالاسى الەۋمەتتىك جەلىلەر ارقىلى وسكەمەن قالاسىنداعى تۋعان- تۋىستارىنا ىزدەۋ سالعان بولاتىن.

اتى- ءجونىن قازاق تىلىندە جازىپ، بالا كەزىندەگى فوتوسۋرەتتەردى جاريالاعان تەودور ۋولتوننىڭ تۋعان اعاسى تابىلدى، دەپ حابارلايدى قازاقپارات ءتىلشىسى.

2001 -جىلى قازاقستاندا دۇنيەگە كەلگەن تەودوردى 1 جاسقا تولعاندا امەريكالىقتار اسىرىپ العان. دەگەنمەن، وگەي اتا- اناسى ونىڭ ۇلتى كىم ەكەنىن، تۋعان جەرى قايدا ەكەنىن ەش جاسىرماعان. بۇگىندە ونىڭ جاسى 20 عا جەتكەن. جۋىردا تەودار Facebook-پاراقشاسىندا ءوزىنىڭ مارات توقتار ۇلى ورازعاليەۆ ەكەنىن جازىپ، بالا كۇنىندە اعاسىمەن جانە اپايىمەن تۇسكەن فوتوسۋرەتتەردى جاريالادى. اراعا 2 كۇن سالىپ ونىڭ تۋعان اعاسى تابىلىپ وتىر.

ش ق و ءبىلىم باسقارماسىنىڭ قورعانشىلىق، قامقورشىلىق جانە ينتەرنات ۇيىمدارى ءبولىمىنىڭ ماماندارى ىزدەستىرۋ جۇمىستارىن جۇرگىزىپ، اعايىندىلاردى ءبىر- بىرىمەن بايلانىستىردى. انىقتالعانداي، تەودوردىڭ اعاسى كۇرشىم اۋدانىندا تۇرادى. 22 جاستاعى رۇستەم ورازعاليەۆ باۋىرى تابىلعانىنا اۋەل باستا سەنە الماعان.


«ا ق ش جىگىتى قازاقستاندىق باۋىرىن ىزدەپ جاتىر» دەگەن جازباداعى فوتودا تۇرعان مەنمىن، جانىمداعى نەمەرە اپكەم. تۋعان ءىنىم بار ەكەنىن، ونى امەريكالىقتار اسىراپ العانىن 7-8 سىنىپتاردا ەستىپ ءبىلدىم. ءبىراق ماعان ا ق ش- تان باۋىرىمدى تابۋ بوس قيال بولىپ كورىنگەنى راس. سويتسەم، ومىردە ءبارى بولادى ەكەن عوي»، - دەيدى رۇستەم. اعاسى مەن باۋىرى عالامتور ارقىلى سويلەسۋدە. ءبىر- بىرىنە قويار سۇراقتارى كوپ. ەندى كارانتين اياقتالعان سوڭ تەودور تۋعان جەرىنە قۇستاي ۇشىپ جەتپەك.



باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات