+7 (701) 759 90 19
20 °С : نۇر-سۇلتان
15 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

ق ر ۇكىمەتى قازاقستاندىقتاردىڭ ارمەنيادا تىركەلگەن كولىكتەرىنە قاتىستى قاۋلى شىعاردى

20 مامىر 21:51
:ءبولىسۋ
ق ر ۇكىمەتى قازاقستاندىقتاردىڭ ارمەنيادا تىركەلگەن كولىكتەرىنە قاتىستى قاۋلى شىعاردى

نۇر- سۇلتان. قازاقپارات - قازاقستان رەسپۋبليكاسىنىڭ ۇكىمەتى ەلىمىز ازاماتتارى ارمەنيا رەسپۋبليكاسىندا تىركەلگەن كولىكتەرىن قازاقستانعا اكەلىپ، پايدالانۋىنا قاتىستى قاۋلى قابىلدادى، دەپ حابارلايدى قازاقپارات.

قۇجات ءماتىنىن ۇسىنامىز

* * *

قازاقستان رەسپۋبليكاسى ازاماتتارىنىڭ ارمەنيا رەسپۋبليكاسىندا تىركەلگەن جەكەلەگەن كولىك قۇرالدارىن قازاقستان رەسپۋبليكاسىنا اكەلۋى مەن پايدالانۋىنىڭ كەيبىر ماسەلەلەرى تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى:

1. قازاقستان رەسپۋبليكاسىنىڭ ىشكى ىستەر مينيسترلىگى 2020 -جىلعى 1- قىركۇيەككە دەيىن زاڭنامادا بەلگىلەنگەن تارتىپپەن: 1) قازاقستان رەسپۋبليكاسى سالىق كودەكسىنىڭ 553-بابى 4-تارماعىنىڭ 1.1) تارماقشاسىنا سايكەس مەملەكەتتىك تىركەۋ ءۇشىن الىم مەن قازاقستان رەسپۋبليكاسى سالىق كودەكسىنىڭ 615-بابىنا سايكەس مەملەكەتتىك باجدار تولەي وتىرىپ، ارمەنيا رەسپۋبليكاسىنىڭ ۋاكىلەتتى ورگاندارىندا قازاقستان رەسپۋبليكاسىنىڭ ازاماتتارىنا تىركەلگەن جانە قازاقستان رەسپۋبليكاسىنا 2020 -جىلعى 1 - اقپانعا دەيىن اكەلىنگەن، جۇرگىزۋ ورگاندارى سول جاقتا ورنالاسقان كولىك قۇرالدارىن تىركەۋ؛

2) وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن كولىك قۇرالدارىن تىركەۋ كەزىندە بەرىلەتىن مەملەكەتتىك تىركەۋ ءنومىرى بەلگىلەرىنىڭ ءتيپىن بەكىتۋ؛ 3

) مەنشىك يەسى وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن، تىركەلگەن كولىك قۇرالدارىن باستاپقى تىركەۋ نە قازاقستان رەسپۋبليكاسىنان تىس جەرلەرگە شىعارۋ تۋرالى شەشىم قابىلداعان جاعدايدا وعان قاتىستى تىركەۋ ءىس- ارەكەتتەرىن جاساۋدى قامتاماسىز ەتۋ بويىنشا شارالار قابىلداسىن.

2. قازاقستان رەسپۋبليكاسىنىڭ تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى كولىك قۇرالىن تىركەۋدى جۇزەگە اسىرۋ كەزىندە ارمەنيا رەسپۋبليكاسىنىڭ ۋاكىلەتتى ورگاندارى بەرگەن كولىك قۇرالدارىن تىركەۋ قۇجاتتارىنىڭ ءتۇپنۇسقالارىن جانە مەملەكەتتىك تىركەۋ ءنومىرى بەلگىلەرىن مەنشىك يەلەرى سۇراعانعا دەيىن ساقتاۋدى جانە وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن كولىك قۇرالدارى قازاقستان رەسپۋبليكاسىنان تىس جەرلەرگە شىعارىلعان جاعدايدا ولاردى بەرۋدى قامتاماسىز ەتسىن.

3. قازاقستان رەسپۋبليكاسى قارجى، يندۋستريا جانە ينفراقۇرىلىمدىق دامۋ مينيسترلىكتەرى وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن، تىركەلگەن كولىك قۇرالدارى مەنشىك يەلەرىنىڭ سالىق مىندەتتەمەلەرىن تولەۋ جانە مىندەتتى تەحنيكالىق قاراپ- تەكسەرۋدەن ءوتۋ مۇمكىندىگىن قامتاماسىز ەتسىن.

4. قازاقستان رەسپۋبليكاسى اقپارات جانە قوعامدىق دامۋ مينيسترلىگى مۇددەلى مەملەكەتتىك ورگاندارمەن بىرلەسىپ، مەنشىك يەسى ونى باستاپقى تىركەۋ نە قازاقستان رەسپۋبليكاسىنان تىس جەرلەرگە شىعارۋ تۋرالى شەشىم قابىلداعانعا دەيىن وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن، تىركەلگەن كولىك قۇرالدارىن پايدالانۋعا شەكتەۋلەردىڭ جوق ەكەنى جونىندە ءتۇسىندىرۋ جۇمىسىن جۇرگىزۋدى قامتاماسىز ەتسىن.

5. قازاقستان رەسپۋبليكاسى قارجى، ەكولوگيا، گەولوگيا جانە تابيعي رەسۋرستار مينيسترلىكتەرى مۇددەلى مەملەكەتتىك ورگاندارمەن بىرلەسىپ، وسى قاۋلىنىڭ 1-تارماعىنىڭ 1) تارماقشاسىندا كورسەتىلگەن، تىركەلگەن كولىك قۇرالىنىڭ مەنشىك يەسى ونى باستاپقى تىركەۋ تۋرالى شەشىم قابىلداعانعا دەيىن كەدەندىك باجداردى، باستاپقى تىركەۋ ءۇشىن الىمداردى جانە وندىرۋشىلەردىڭ (يمپورتتاۋشىلاردىڭ) كەڭەيتىلگەن مىندەتتەمەلەرى شەڭبەرىندە قالدىقتاردى جيناۋدى، تاسىمالداۋدى، قايتا وڭدەۋدى، زالالسىزداندىرۋدى، پايدالانۋدى جانە (نەمەسە) كادەگە جاراتۋدى ۇيىمداستىرۋ ءۇشىن تولەمدى تولەۋ قاجەتتىگىنىڭ جوق ەكەنى جونىندە ءتۇسىندىرۋ جۇمىسىن جۇرگىزۋدى قامتاماسىز ەتسىن.

6. قازاقستان رەسپۋبليكاسى قارجى جانە ىشكى ىستەر مينيسترلىكتەرى ەۋرازيالىق ەكونوميكالىق وداقتىڭ قۇقىقتارى مەن قازاقستان رەسپۋبليكاسىنىڭ زاڭناماسىن بۇزا وتىرىپ، 2020 -جىلعى 1 - اقپاننان كەيىن قازاقستان رەسپۋبليكاسىنا ارمەنيا رەسپۋبليكاسىنان كولىك قۇرالدارىن اكەلۋدى جۇزەگە اسىرعان ادامدارعا قاتىستى زاڭنامادا بەلگىلەنگەن شارالاردى قابىلداسىن.

7. قازاقستان رەسپۋبليكاسى باس پروكۋراتۋراسى (كەلىسۋ بويىنشا) جانە ۇلتتىق قاۋىپسىزدىك كوميتەتى (كەلىسۋ بويىنشا) 2021 -جىلعى 1 - جەلتوقسانعا دەيىن ىشكى ىستەر ورگاندارىنىڭ باسقا ەلدەردىڭ ۋاكىلەتتى ورگاندارىندا تىركەلگەن كولىك قۇرالدارىمەن قازاقستان رەسپۋبليكاسىنىڭ مەملەكەتتىك شەكاراسىن كەسىپ ءوتۋ تۋرالى مالىمەتتەرگە، ولاردىڭ يەلەرى جانە ولاردى جۇرگىزەتىن ادامدار تۋرالى دەرەكتەرگە قولجەتىمدىلىگىن ۇيىمداستىرۋ ءۇشىن «اكىمشىلىك ءىس جۇرگىزۋدىڭ ءبىرىڭعاي ءتىزىلىمى» جانە «بۇركىت» ۆەدومستۆولىق اقپاراتتىق جۇيەلەرىن ينتەگراتسيالاۋدى قامتاماسىز ەتسىن.

8. قازاقستان رەسپۋبليكاسى ىشكى ىستەر، قارجى، يندۋستريا جانە ينفراقۇرىلىمدىق دامۋ، ەكولوگيا، گەولوگيا جانە تابيعي رەسۋرستار، سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىكتەرى زاڭنامادا بەلگىلەنگەن تارتىپپەن وسى قاۋلىدان تۋىندايتىن شارالاردى قابىلداسىن.

9. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى. قازاقستان رەسپۋبليكاسىنىڭپرەمەر- ءمينيسترى ا. مامين



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات