جاپونداردىڭ قاسيەتتى تاۋى جابىلدى

جاپونيانىڭ ەڭ بيىك شىڭىنا كوتەرىلەتىن ءتورت نەگىزگى جولدىڭ ۇشەۋىن باسقاراتىن سيدزۋوكا پرەفەكتۋرالىق اكىمشىلىگى بيىل تاۋعا شىعاتىن مارشرۋتتاردىڭ ەشقايسىسى اشىلمايتىنىن مالىمدەدى. كوركىنە كوز تويماس فۋدزيسان يامەناسي پرەفەكتۋراسى دا تاۋ شىڭىنا الىپ باراتىن ءتورتىنشى باعىتتىڭ جابىلاتىنىن جاريالاعان. فۋدزياماعا شىعۋ ماۋسىمى ادەتتە شىلدەدەن قىركۇيەككە دەيىن جالعاسادى.

ايتا كەتەيىك، فۋدزياما — جاپون ەلىنىڭ نىشانى، جاپونداردىڭ قاسيەت تۇتاتىن تاۋى، وعان جىل سايىن ونداعان مىڭ ادام كوتەرىلەدى. فۋدزياما، فۋدزي، فۋدزيسان (اين حالقىنىڭ تىلىندە فۋسحي - وت قۇدايى، جاپون تىلىندە سان - تاۋ) — حونسيۋ ارالىنىڭ وڭتۇستىك- شىعىسىنداعى ارەكەتتى جانارتاۋ، جاپونيانىڭ ەڭ بيىك جەرى (3776 م) . توكيو قالاسىنان وڭتۇستىك- باتىسقا قاراي 100 شاقىرىمداي جەردە. تاۋ كراتەرىنىڭ تەرەڭدىگى 250 مەتردەي، ونىڭ شىڭىندا 10 اي بويى قار جاتادى. بەتكەيلەرىندە ماڭگى جاسىل ورماندار، بۇتالى وسىمدىكتەر وسەدى. فۋدزي- حاكونە- يدزۋ ۇلتتىق ساياباعىنىڭ قۇرامىنا كىرەدى.

Massaget.kz