+7 (701) 759 90 19
20 °С : نۇر-سۇلتان
17 °С : الماتى
USD 411.54 EUR 458.13
RUB 5.84 CNY 57.64
جاڭالىقتار

مايتاباندى نەگە اسكەرگە المايدى؟

20 مامىر 22:06
:ءبولىسۋ
مايتاباندى نەگە اسكەرگە المايدى؟

نۇر-سۇلتان. قازاقپارات - عىلىمي تىلدە جالپاق تابان، ال حالىق اراسىندا مايتابان اتانىپ كەتكەن سۇيەك اۋرۋى كوپ تارالعان. اسىرەسە، فيزيكالىق جۇمىسپەن اينالىساتىن ەر- ازاماتتار ءۇشىن كەمشىلىك ەكەنى بەلگىلى.

مايتاباندار اسكەرگە جارامايدى دەگەن سىبىس تا كوپ. بۇل قانشالىقتى راس؟ زاڭناما.. . ەڭ الدىمەن، مايتاباننىڭ ءبارى اسكەرگە جارامايدى دەگەن دۇرىس ەمەس. ءبارى مايتاباننىڭ ءتۇرى مەن دەڭگەيىنە بايلانىستى. بۇرىن مايتاباننىڭ قاي ءتۇرى بولسىن- بولماسىن اسكەرگە الىنبايتىن. قازىر ولاي ەمەس. سوڭعى زاڭناماعا سايكەس، 2018 -جىلدىڭ اقپان ايىندا تولىقتىرىلعان قازاقستان رەسپۋبليكاسىنىڭ قارۋلى كۇشتەرىندە، باسقا دا اسكەرلەرى مەن اسكەري قۇرالىمدارىندا قىزمەت ەتۋ ءۇشىن ادامدار دەنساۋلىق جاعدايىنىڭ سايكەس كەلۋىنە قويىلاتىن تالاپتاردى بەكىتۋ تۋرالى بۇيرىقتا I جانە Ⅱدارەجەلى مايتاباننىڭ اسكەرگە جارامدى ەكەنى ءارى ونداي بەلگىسى بار ازاماتتاردىڭ بەلگىلى ءبىر اسكەري بولىمدە عانا بورىشىن وتەيتىنى ايتىلعان. جالپى ازاماتتاردى دەنساۋلىعىنا سايكەس اسكەرگە جارامدىلىعىن 10 ساناتقا بولۋگە بولادى:

ا - اسكەري قىزمەتكە جارامدى؛ ب - اسكەري قىزمەتكە شامالى شەكتەۋلەرمەن جارامدى؛

ۆ - اسكەري قىزمەتكە شەكتەۋلى جارامدى (كەلىسىمشارت بويىنشا اسكەري قىزمەت وتكەرەتىن اسكەري قىزمەتشىلەرگە جانە اسكەرگە شاقىرۋ بويىنشا اسكەري قىزمەت وتكەرەتىن وفيتسەرلەر قۇرامىنىڭ ادامدارىنا قاتىستى) ؛

گ - اسكەري قىزمەتكە ۋاقىتشا جارامسىز؛

د - اسكەري قىزمەتكە بەيبىت ۋاقىتتا جارامسىز، سوعىس ۋاقىتىندا شەكتەۋلى جارامدى؛

ە - اسكەري ەسەپتەن الۋمەن اسكەري قىزمەتكە جارامسىز؛

ج ز - جەكەلەگەن اسكەري- ەسەپتىك ماماندىقتار بويىنشا قازاقستان رەسپۋبليكاسى قارۋلى كۇشتەرىنىڭ اسكەر تۇرلەرى مەن تەكتەرىندەگى، باسقا دا اسكەرلەرى مەن اسكەري قۇرالىمدارىنداعى اسكەري قىزمەتكە، قىزمەتكە جارامسىز، ا ءو و- عا (مەكتەپتەرگە) تۇسۋگە جارامسىز؛

ۆ- دەرب - قازاقستان رەسپۋبليكاسى قارۋلى كۇشتەرىنىڭ، باسقا دا اسكەرلەرى مەن اسكەري قۇرالىمدارىنداعى اسكەري قىزمەتكە جارامدىلىعى دەربەس ايقىندالادى جانە ب نەمەسە ۆ جارامدىلىق ساناتىن ايقىندايدى؛ دەرب - جەكەلەگەن اسكەري- ەسەپتىك ماماندىقتار بويىنشا قازاقستان رەسپۋبليكاسى قارۋلى كۇشتەرىنىڭ اسكەر تۇرلەرى مەن تەكتەرىندەگى، باسقا دا اسكەرلەرى مەن اسكەري قۇرالىمدارىنداعى اسكەري قىزمەتكە جارامدىلىعى دەربەس ايقىندالادى.

گ - جارامدىلىق ساناتى كەلىسىمشارت بويىنشا اسكەري قىزمەتكە، ا ءو و- عا جانە مەكتەپتەرگە تۇسۋگە جارامسىزدىق ساناتىن، ال ۆ، د، جانە ە جارامدىلىق ساناتتارى ءاوو- دا جانە مەكتەپتەردە وقۋعا جارامسىزدىقتى ايقىندايدى. جالپاق تاباننىڭ تۇرلەرى مايتاباننىڭ تۇرلەرىن دە وسى ساناتقا سايكەس ءبولىپ، قايسىسىنا جارامدى، ال قايسىسىنا جارامسىز ەكەنىن بىلۋگە بولادى. جالپى، جالپاق تاباننىڭ 3 دەڭگەيى بولادى. ونى رەنتگەنوگراممامەن انىقتايدى.


I دەڭگەيلى: ۇزىنا بويى ىشكى تابان كۇمبەزىنىڭ بۇرىشى 131-140 گرادۋس، كۇمبەزدىڭ بيىكتىگى 35-25 م م؛ Ⅱدەڭگەيلى: ۇزىنا بويى ىشكى كۇمبەزىنىڭ بۇرىشى 141-155 گرادۋس، كۇمبەزدىڭ بيىكتىگى 24-17 م م؛ Ⅲدەڭگەيلى: ۇزىنا بويى ىشكى كۇمبەزىنىڭ بۇرىشى 155 گرادۋستان جوعارى، كۇمبەزدىڭ بيىكتىگى 17 م م كەم. ال قالىپتى تاباننىڭ كۇمبەز بۇرىشى 125-130 گرادۋس، كۇمبەز بيىكتىگى 35 م م بولۋى كەرەك. I دەڭگەيلى مايتابان مايتاباننىڭ ەڭ جەڭىل ءارى كوپ تارالعان ءتۇرى. مۇنداي ادامنىڭ تابانى شامالى تايقى، كۇمبەز بۇرىشى 131-140 گرادۋس، ءجۇرىپ- تۇرۋعا كەدەرگى كەلتىرمەيدى، اۋىرسىنۋ جوق. كوبى مايتابان ەكەنىن بىلمەيدى دە. بۇل توپتاعا ازاماتتار اسكەرگە، ءسوزسىز، جارامدى. ءتىپتى، قوسىمشا تەكسەرىس تە جاسالمايدى. جارامدىلىق ساناتى - ا. ياعني، كەز كەلگەن اسكەري بولىمگە بارا الادى.

Ⅱدەڭگەيلى مايتابان تابان شامالى جايپاق بولعانىمەن، كوزگە وعاش كورىنبەيدى. كۇمبەز بۇرىشى - 141-155 گرادۋس. ءجۇرىپ- تۇرۋعا كەدەرگىسى جوق. ءبىراق اياعى جالپاق كورىنەدى. بۇرىن Ⅱدەڭگەيلى مايتابانداردى اسكەرگە المايتىن، الايدا سوڭعى زاڭناماعا سايكەس الىناتىن بولدى. ءبىراق بەلگىلى ءبىر اسكەري بولىمدەرگە عانا جىبەرىلەدى. جارامدىلىق ساناتى - ب. مۇنداي ازاماتتار دەسانتيك، تەڭىز كۇشتەرى، شەكارا قىزمەتى مەن ارنايى اسكەري بولىمدەرگە جارامايدى. Ⅲدەڭگەيلى مايتابان تابانى قازدىڭ تابانىنداي جالپاق كەلەدى. قازتابان. پاتولوگيالىق وزگەرىسى كورىنىپ تۇرادى. ساۋساقپەن ولشەپ كورگەننىڭ وزىندە 30-40 گرادۋستاي الشاق جاتادى. ادامنىڭ تابانى، ارقا سۇيەكتەرى اۋىرۋى مۇمكىن. مۇنداي ازاماتتار اسكەرگە جارامايدى، تەك زاپاستاعى جاۋىنگەر بولا الادى. جارامدىلىق ساناتى - ۆ.

مايتابان نەگە اسكەرگە جارامايدى؟

ادامنىڭ اياعىندا تامىر مەن جۇيكە تالشىقتارى وتە كوپ. ولار رەتسەپتورلىق قىزمەت اتقارادى دا، ميعا بەلگى مەن دابىل بەرەدى.

- ەگەر تابان اۋىراتىن بولسا، وندا بۇكىل دەنەگە اسەر ەتەدى. ال اسكەري اياق كيىمنىڭ تابانى تولىقتاي جالپاق، ونى كيگەن كەزدە مايتابانى بار ادامنىڭ اياعى اۋىرىپ، جۇرە الماي قالۋى مۇمكىن، - دەيدى قورعانىس ىستەرى جونىندەگى ش ق و وبلىستىق دەپارتامەنتتىڭ مەديتسينالىق قىزمەتىنىڭ باسشىسى، مايور نازيرا عابدۋللينا.

سودان تىزەسى، جامباسى اۋىرىپ، جامباس سۇيەكتەرى مەن ارقانىڭ بەلدەمە سۇيەكتەرىندە اۋرۋ پايدا بولۋى ىقتيمال. اسكەردە فيزيكالىق كۇش- قيمىل كوپ بولعاندىقتان، ونىڭ مايتابانعا اسەر ەتپەي قويماسى انىق. تاعى ءبىر ايتا كەتەتىن نارسە، مايتاباندى ەمدەپ، اسكەرگە بارۋعا بولادى. اسىرەسە، Ⅱجانە Ⅲدەڭگەيدەگى مايتابان انىقتالعان جاعدايدا، مەديتسينالىق كوميسسيا مۇشەلەرى ەم- دومعا جىبەرىپ، بەلگىلى ءبىر ۋاقىتقا كەيىن قالدىرۋى مۇمكىن. سودان كەيىن قايتا اسكەرگە شاقىرىلادى. Ⅲدەڭگەيدەگى جالپاق تاباندا اۋىرسىنۋ بولماسا، وندا Ⅱدەڭگەيگە ءوتىپ، اسكەرگە بارۋعا بولادى.

- ەگەر ازاماتتىڭ ءبىر اياعى Iدەڭگەيلى مايتابان بولىپ، ەكىنشى اياعى Ⅱدەڭگەيلى مايتابان بولسا، وندا وعان Ⅱدەڭگەيلى مايتابان دەگەن قورىتىندى بەرىلەدى، - دەيدى نازيرا نۇرلانبەك قىزى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049

مۇراعات