ۆيرۋس جۇقتىرعانىنا سەنبەيتىن ادامدار بار – رەزيدەنت

ولار دەرتتىڭ قانشالىقتى قاۋىپتى ەكەنىن ءتۇسىندىردى، دەپ حابارلايدى قازاقپارات ءتىلشىسى.

مارات وسپانوۆ اتىنداعى بقمۋرەزيدەنتتەرى «COVID-19» ۆيرۋسىمەن كۇرەس جۇمىستارىنا جۇمىلدىرىلدى. ولار وبلىستاعى ءۇش ەمدەۋ ورنىنا بولىنگەن. ىندەت جۇقتىرعاندار جانە ولارمەن بايلانىستا بولعان ادامدارعا جاردەم بەرگەن رەزيدەنت- ينفەكتسيونيستەر گۇلنۇر اياعانوۆا جانە ادىلبەك ماحاش قازىرگى كۇنى ينفەكتسيالىق گوسپيتالدا جۇمىس ىستەپ ءجۇر. ەكەۋى دە ۇيلەرىنەن جىراقتا ەم جۇرگىزۋگە ءماجبۇر.

«كوروناۆيرۋس ينفەكتسيا دياگنوزى راستالعان جاعدايدا كەيبىرى سىناما ناتيجەسىنە كۇماندانادى. سەبەبى ولار ءون بويىنان ەشقانداي وزگەشەلىك بايقامايدى، دەنساۋلىعىنا شاعىم ايتپايدى. مۇنداي جاعدايدا ءبىز پاتسيەنتتەرمەن اڭگىمە جۇرگىزەمىز، كوروناۆيرۋ ينفەكتسياسىنىڭ ەش بەلگىسىز، جەڭىل فورمادا، سونداي- اق ورتاشا اۋىر جانە اۋىر جاعدايدا وتەتىنىن تۇسىندىرەمىز. كەيبىرى ءوزى اۋىرمايدى، ءبىراق تاراتۋشى. اسىرەسە سوزىلمالى اۋرۋى بار، ەگدە جاستاعى ادامدارعا قاۋىپتى»، - دەيدى گۇلنۇر اياعانوۆا.

جوعارى وقۋ ورنىنىڭ باسپا ءسوز قىزمەتىنىڭ حابارلاۋىنشا، رەزيدەنتتەر پاتسيەنتتەردى باقىلاۋ جانە ەمدەۋ شاراسىن جالعاستىرادى. كارانتيندەگى پاتسيەنتتەرگە كومەك كورسەتۋ جاس ماماندار ءۇشىن تاجىريبە، ال رەزيدەنتتەر بىلىكتىلىگىن شىڭدادى.