ەلوردادا قايتا اشىلعان ساۋدا ورتالىقتارى قالاي جۇمىس ىستەپ جاتىر

«بۇگىنگى اكتسيا كوروناۆيرۋس كەزىندەگى قاۋىپسىزدىك شارالارى تۋرالى حالىقتى اقپاراتتاندىرۋعا باعىتتالعان. ياعني، قازىر توتەنشە جاعداي رەجيمى اياقتالدى دەپ، كوپتەگەن ادامدار قاۋىپسىزدىك شارالارىنا نەمقۇرايلى قاراي باستادى. الايدا، بۇقارالىق اقپارات قۇرالدارى كوروناۆيرۋس ينفەكتسياسىن جۇقتىرعاندار سانى كوبەيگەنىن حابارلاۋدا. تيىسىنشە قاۋىپسىزدىك شارالارىن كۇشەيتۋ قاجەت. بۇگىنگى اكتسيادا ءبىزدىڭ ەرىكتىلەر تۇرعىندارعا، اسىرەسە قاۋىپسىزدىك شارالارىن ساقتامايتىندارعا قاۋىپسىزدىك شارالارىن ەسكەرتەدى» ، - دەدى نۇر- سۇلتان قالاسى ۆولونتەرلەر شتابىنىڭ ءتوراعاسى شىڭعىس تىلەۋلين.

ونىڭ ايتۋىنشا، قازىر قالانىڭ ءتۇرلى نۇكتەلەرىندە 500 بەلسەندى ۆولونتەر جۇمىس ىستەپ جاتىر. ودان بولەك، كومەك كورسەتۋگە جۇگىنگەن 2 مىڭ ۆولونتەر رەزەرۆتە تۇر. ۆولونتەردىڭ ەكسپرەسس- مەكتەبىندە وقىپ جاتقان ەرىكتىلەر دە ولاردىڭ قاتارىن تولتىرماق.

«ءار ۆولونتەردىڭ كۇندەلىكتى تاعاممەن جانە كولىكپەن، جەكە قورعانىس قۇرالدارىمەن قامتاماسىز ەتەمىز. سونىمەن بىرگە، بىزدە جەكە كولىگى بار اۆتوۆولونتەرلەر بار. ولاردىڭ جانارمايىن تولتىرا المايمىز، سەبەبى بۇل - وزدەرىنىڭ ەرىكتى جۇمىسى. كەز كەلگەن تىلەك ءبىلدىرۋشى 109 نومىرىنە حابارلاسىپ، ەرىكتىلەر قاتارىنا قوسىلا الادى. ءبىراق، ك ۆ ي كەزىندە قاۋىپسىزدىك ءۇشىن ايەلدەرگە - 30 جاسقا دەيىن، ەرلەرگە - 40 جاسقا دەيىن شەكتەۋ قويىپ وتىرمىز» ، - دەدى ول. سونىمەن بىرگە، شتاب ءتوراعاسى ماسكالاردىڭ بارىنە بىردەي تاراتىلمايتىنىن ەسكەرتتى.

«ءبىزدىڭ اكتسيانىڭ ماقساتى - ماسكا تاراتۋ ەمەس. ەڭ الدىمەن حالىققا قاۋىپسىزدىك شارالارىن تۇسىندىرۋگە باعىتتالعان. ال ەگەر ادامنىڭ ماسكا الۋعا ماتەريالدىق جاعدايى جەتپەسە، ماسكانى تەگىن بەرەمىز. ويتكەنى، قازىرگى ۋاقىتتا قالامىزدا ماسكا دەفيتسيتى جوق. كەز كەلگەن ءدارىحانادان بەكىتىلگەن باعادا ساتىپ الۋعا بولادى» ، - دەدى ش. تىلەۋلين. ءوز كەزەگىندە «Keruen City» ساۋدا- ويىن- ساۋىق ورتالىعىنىڭ اعا اكىمشىسى ايگەرىم سەمبايەۆا عيماراتتاعى قاۋىپسىزدىك تالاپتارىن ءتۇسىندىردى.

«ءبىزدىڭ ورتالىقتىڭ 76 دۇڭگىرشەگى بۇگىن قايتا اشىلدى. بارلىق بۋتيككە سانيتارلىق نورمالاردى ساقتاۋ تۋرالى ەسكەرتۋ جىبەردىك. ياعني، قىزمەتكەرلەر ماسكا تاعىپ، قولعاپ كيىپ، كەلۋشىلەردىڭ دەنە قىزۋىن تەكسەرۋى ءتيىس. سونىمەن بىرگە، انتيسەپتيكتەر قويىلىپ، ارا قاشىقتىق ساقتاۋ ءۇشىن ەدەنگە بەلگىلەر جاپسىرىلۋى كەرەك» ، - دەدى ول. عيماراتتىڭ بارلىق كىرەبەرىسىندە، ليفت ماڭىندا جانە دارەتحانالاردا انتيسەپتيك قۇتىلارى ورناتىلعان.

«كلينينگتىك كومپانيا ءار 3 ساعات سايىن ەدەندى ارنايى قۇرالمەن تازالايدى. ەسكالاتور تۇتقاسى، ليفت باتىرمالارى دا سانيتايزەرمەن وڭدەلەدى. دارەتحانالاردا كۇنىنە ەكى رەت كۆارتس جاسالادى. ورتالىققا كەلۋشىلەرگە قولعاپ كيۋ مىندەتتى ەمەس، ءبىراق ماسكاسىز كىرگىزىلمەيدى. ءبىز ولاردى ماسكا ساتىپ الۋ ءۇشىن ءدارىحاناعا جىبەرەمىز» ، - دەدى ءا. سەمبايەۆا. ايتا كەتەيىك، 20 - مامىردان باستاپ نۇر- سۇلتان مەن پەتروپاۆل قالالارىندا ساۋدا، ويىن- ساۋىق ورتالىقتارى مەن قوعامدىق مونشالار قايتا اشىلدى. ءبىراق، ويىن- ساۋىق الاڭدارى، فۋدكورتتار، كينوتەاترلار ازىرگە ىسكە قوسىلمايدى.