11:15, 20 - مامىر 2020 | GMT +6
ارالاس جەكپە-جەكتەگى ءبىرىنشى قازاقستاندىق سپورتشى قىزدىڭ العاشقى جەكپە-جەگى وتەدى
نۇر-سۇلتان. قازاقپارات - تاياۋدا UFC-مەن كەلىسىمشارتقا قول قويعان قازاقستاندىق 23 جاستاعى سپورتشى ماريا اگاپوۆا الەمنىڭ ەڭ مىقتى ليگاسىنداعى العاشقى جەكپە-جەگىن 13-ماۋسىمدا وتكىزەدى، دەپ جازادى MMA Fighting.
ونىڭ قارسىلاسى - ءوزى سياقتى UFC دە العاش رەت جەكپە-جەككە شىعىپ وتىرعان مەليسسا گاتتو. اگاپوۆا ارالاس جەكپە-جەكتە نەبارى توعىز ايقاس وتكىزىپ، سونىڭ سەگىزىندە جەڭىسكە جەتكەن. سوڭعى ەكى جەكپە-جەگىن Invicta FC پروموۋشەنىندە وتكىزدى.
گاتتوعا كەلەتىن بولساق، برازيليالىق سپورتشى كاسىبي دەڭگەيدە التى كەزدەسۋ وتكىزىپ، بارلىعىندا جەڭىسكە جەتكەن (تورتەۋىندە مەرزىمىنەن بۇرىن). 24 جاستاعى مەليسسا ازىرگە تەك برازيليالىق پروموۋشەندەردە عانا شىققان.
ايتا كەتەيىك، ماريا اگاپوۆا - UFC ليگاسىنا شىققان ءبىرىنشى قازاقستاندىق سپورتشى ايەل.
فوتو: Dave Mandel، Invicta FC