ا ق ش كوروناۆيرۋسقا قارسى ۆاكسينا تاجىريبەدەن ءساتتى وتكەنىن مالىمدەدى

None
None
نۇر -سۇلتان. قازاقپارات – امەريكالىق Moderna بيوتەحنولوگيالىق كومپانياسى كوروناۆيرۋسقا قارسى ۆاكسينا كلينيكالىق تاجىريبەدەن ءبىرىنشى فازا بويىنشا ءساتتى وتكەنىن مالىمدەدى، - دەپ حابارلايدى ريا نوۆوستي.

پرەپاراتتى سىناقتان وتكىزۋگە ادامدار ەرىكتى تۇردە ساۋىردەن باستاپ قاتىسا باستاعان. كومپانيا مالىمەتى بويىنشا، mRNA-1273 ۆاكسيناسىن قابىلداعان ادامداردا انتيدەنە سانى ءدارى مولشەرىنە بايلانىستى وسە باستاعان.

العاشقى كەزەڭدەردە پرەپارات قاۋىپسىز بولعان، ول اسقىنۋسىز وتكەن. كومپانيا كلينيكالىق سىناما وتكىزۋدىڭ فينالدىق كەزەڭى شىلدەدە باستالادى دەپ جوسپارلاپ وتىر ەكەن. ال كومپانيا اكسيالارى ۆاكسينا تۋرالى مالىمەت شىققاننان كەيىن 25 پايىزعا ءوسىپ كەتكەن.

دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنشە، COVID-19 جۇقتىرعان 4628903 ادام انىقتالسا، ونىڭ 312 مىڭعا جۋىعى قايتىس بولعان. دۇنيە جۇزىندە ءبىر تاۋلىكتە كوروناۆيرۋس ينفەكسياسىن جۇقتىرعان 100078 ادام انىقتالعان.

قازاقستاندا كوروناۆيرۋس پاندەمياسى انىقتالعالى 6751 ادام COVID-19 جۇقتىرسا، ونىڭ 3469 ى اۋرۋدان ايىعىپ شىققان. تاعى 35 ناۋقاس قايتىس بولدى.

سوڭعى جاڭالىقتار