11:11, 17 - مامىر 2020 | GMT +6
الماتىدا كوروناۆيرۋس جۇقتىرعان ورتالىق اۋرۋحانا قىزمەتكەرى قايتىس بولدى
الماتى. قازاقپارات - الماتىدا كوروناۆيرۋستان ەمدەلىپ جاتقان ورتالىق كلينيكالىق قالالىق اۋرۋحانانىڭ قىزمەتكەرى قايتىس بولدى، دەپ حابارلايدى قازاقپارات ءتىلشىسى.
قالالىق قوعامدىق دەنساۋلىق باسقارماسىنىڭ حابارلاۋىنشا، ينفەكتسيالىق ستاتسيوناردا ورتالىق قالالىق كلينيكالىق اۋرۋحانانىڭ قىزمەتكەرى قايتىس بولدى.
«ول اۋرۋحانادا ليفتەر بولىپ جۇمىس ىستەگەن. 16- ساۋىردە ودان SARS CoV-2 پ ت ر تالداۋ الىنعان بولاتىن. تەست وڭ ناتيجە كورسەتكەن سوڭ، ناۋقاس ينفەكتسيالىق ستاتسيونارعا اۋىستىرىلعان بولاتىن. قايتىس بولعان ناۋقاس حاتتاما بويىنشا جانساقتاۋ، ياعني قارقىندى تەراپيا بولىمىندە ەمدەلگەن بولاتىن»، - دەدى باسقارما وكىلدەرى.
جۇرگىزىلگەن ەم شارالارىنا قاراماستان پوليورگاندى جەتىسپەۋشىلىك پايدا بولدى. قازىر ارنايى كوميسسيا ايەلدىڭ قازا بولۋىنا بايلانىستى تەكسەرۋ جۇرگىزىپ جاتىر.