17:12, 16 - مامىر 2020 | GMT +6
الماتىدا ساۋدا ويىن-ساۋىق ورتالىقتارىنىڭ قاشان اشىلاتىنى بەلگىلى بولدى
الماتى. قازاقپارات - الماتىدا ساۋدا ۇيلەرى مەن ساۋدا ويىن-ساۋىق ورتالىقتارى 25 - مامىردان باستاپ كەزەڭ-كەزەڭىمەن اشىلاتىن بولادى، دەپ حابارلايدى قازاقپارات ءتىلشىسى.
«25 - مامىردان باستاپ الماتى قالاسىندا قوناق ءۇي كەشەندەرىن، قوعامدىق تاماقتاندىرۋ نىساندارىن، ساۋدا ورتالىقتارى، ساۋدا ورتالىعى كەشەندەرىن كەزەڭ-كەزەڭمەن اشۋ ماسەلەسى قاراستىرىلىپ جاتىر. بۇل قالاداعى ەپيدەميولوگيالىق جاعدايعا بايلانىستى بولادى. اتالعان نىسانداردى ىسكە قوسۋ الگوريتمى بويىنشا اقپارات قوسىمشا ۇسىنىلاتىن بولادى»، - دەدى قالالىق كاسىپكەرلىك جانە ينۆەستيتسيالار باسقارماسىنان.
بۇعان دەيىن 18 - مامىردان باستاپ تۋروپەراتورلار، ۇيالى بايلانىستىڭ ابونەنتتىك بولىمشەلەرى، ەكىنشى دەڭگەيلى بانكتەر جانە قارجى سەكتورىنىڭ باسقا دا ۇيىمدارىنىڭ قىزمەتىنەن شەكتەۋلەر الىنىپ تاستالاتىنىن جازعان ەدىك.