حالىقارالىق تەننيس تۋرنيرلەرى تاعى دا كەيىنگە شەگەرىلدى

None
None
نۇر-سۇلتان. قازاقپارات - كوروناۆيرۋس ىندەتىنە بايلانىستى حالىقارالىق تەننيس تۋرنيرلەرى شىلدە ايىندا دا وتپەيتىن بولدى، دەپ حابارلايدى قازاقپارات ءتىلشىسى.

كاسىپقوي تەننيسشىلەر قاۋىمداستىعى (ATP) 31- شىلدەگە دەيىن ەشقانداي جارىستىڭ بولمايتىنىن مالىمدەدى.

بۇل - ەرلەر اراسىندا ATP عانا ەمەس، ITF وتكىزەتىن چەللەندجەر جانە باسقا تۋرنيرلەر بولمايدى دەگەن ءسوز.

بىلايشا ايتقاندا، گامبۋرگ، باستاد، نيۋپورت، لوس-كابوس، گشتااد، ۋماگ، اتلانتا جانە كيتتسبيۋەل دودالارى بۇرىن جوسپارلانعان مەرزىمىندە وتپەيدى.

ا ت ر باسشىسى اندرەا گاۋدەنتسي تەننيسشىلەر مەن كورەرمەندەردىڭ دەنساۋلىعى ەڭ باستى باسىمدىق ەكەنىن ايتا وتىرىپ، ىندەتتىڭ بەتى قايتقان جاعدايدا جارىستاردى وتكىزۋدىڭ بارلىق مۇمكىندىكتەرىن قاراستىراتىنىن جەتكىزدى.

ال 1- تامىزدان باستاپ كوزدەلگەن تۋرنيرلەردىڭ تاعدىرى ماۋسىم ايىنىڭ ورتاسىندا شەشىلەدى. سونىمەن قاتار ايەلدەر تەننيسى قاۋىمداستىعى (WTA) دا شىلدە ايىندا جوسپارلانعان بوستاد (شۆەتسيا)، لوزاننا (شۆەيتساريا)، بۋحارەست (رۋمىنيا) جانە يۋرمالا (لاتۆيا) جارىستارىنىڭ وتپەيتىندىگىن جاريالادى.

وتكەن جىلى ءدال وسى بۋحارەست تۋرنيرىندە قازاقستاندىق، قازىر الەمدىك رەيتينگتە 17-ورىندا تۇرعان ەلەنا رىباكينا جەڭىمپاز اتانىپ، ءوز سپورتتىق جولىنداعى العاشقى ءىرى تابىسىنا قول جەتكىزگەن ەدى. بيىل سونداي-اق كارلسرۋە (گەرمانيا) مەن پالەرمو (يتاليا) دودالارىن وتكىزۋ مەرزىمى تۋرالى شەشىم ماۋسىم ايىندا قابىلدانادى. جارىستار كۇنتىزبەسىنە باسقا دا وزگەرىستەر ەنگىزىلۋى ىقتيمال.

بۇدان بۇرىن ناۋرىز ايىندا جارىستار ماۋسىمعا دەيىن شەگەرىلگەن ەدى. سودان كەيىن ATP مەن WTA بارلىق تۋرنيرلەردى 13- شىلدەگە دەيىن توقتاتۋ تۋرالى بىرلەسكەن شەشىم قابىلداعان بولاتىن.

ەسكە سالا كەتەيىك، بۇدان بۇرىن رولان گارروس تۋرنيرىنىڭ تاعى ءبىر اپتاعا كەيىنگە شەگەرىلگەنىن جازعان بولاتىنبىز.

سوڭعى جاڭالىقتار