كەدەي ەلدەردىڭ قارىزىن كەشىرۋ ۇسىنىلدى
ۇسىنىس بەرگەندەردىڭ اراسىندا ا ق ش سەناتورى بەرني ساندەرس تە بار. پارلامەنت مۇشەلەرى بۇل ەلدەردىڭ قارىزىن بەلگىلى ءبىر مەرزىمگە توقتاتا تۇرۋدى ەمەس، ولاردى كەشىرۋدى تالاپ ەتىپ وتىر. ال بەرني ساندەرس كەدەي مەملەكەتتەر از رەسۋرستارىن «تۇراقسىز قارىزداردى» قايتارۋدىڭ ورنىنا ونى ءوز حالقىنىڭ دەنساۋلىعى مەن قاۋىپسىزدىگىن قامتاماسىز ەتۋ ءۇشىن پايدالانۋى كەرەك دەگەن پىكىردى ۇستانادى.
«قارىزداردى كەشىرۋ - دۇنيەجۇزىلىك بانك، حالىقارالىق ۆاليۋتا قورى جانە باسقا دا حالىقارالىق قارجى ينستيتۋتتارى كوروناۆيرۋستىڭ كەسىرىنەن جۇزدەگەن ميلليون ادامعا قاۋىپ توندىرەتىن كەدەيلىك، اشتىق پەن اۋرۋ كورسەتكىشىنىڭ ءوسۋىنىڭ الدىن الۋعا سەپتىگىن تيگىزەدى»، - دەيدى ا ق ش سەناتورى.
سونداي-اق، ول دۇنيەجۇزىلىك بانكتىڭ ەڭ كەدەي ەلدەرگە قولداۋ كورسەتۋ شارالارىن قاراستىراتىنىن، ءبىراق قارىزدى مۇنداي جولمەن كەشىرۋ ولاردىڭ نەسيەلىك رەيتينگىنە نۇقسان كەلتىرىپ، ارزان قارجىلاندىرۋدىڭ قول جەتىمدىلىگىن شەكتەيتىنىن اتاپ ءوتتى.
tengrinews.kz