قىرعىزستان پرەزيدەنتى قاسىم-جومارت توقايەۆقا العىس ايتتى

None
None
نۇر-سۇلتان. قازاقپارات - قىرعىزستان پرەزيدەنتى سوورونباي جەەنبەكوۆ قازاقستان پرەزيدەنتى قاسىم-جومارت توقايەۆقا قازىرگىدەي كۇردەلى كەزەڭدە قولداۋ كورسەتىپ، گۋمانيتارلىق كومەك بەرگەنى ءۇشىن العىس ايتىپ، جەدەلحات جولدادى.

بۇل تۋرالى بۇگىن ءوزىنىڭ Facebook-تەگى پاراقشاسىندا ق ر پرەزيدەنتىنىڭ باسپا ءسوز حاتشىسى بەرىك ءۋالي جازدى.

«وسىناۋ قيىن-قىستاۋ كەزەڭدە باۋىرلاس قازاق ەلىنىڭ كورسەتكەن قولداۋىن، سونداي-اق، ورتالىق ازياداعى پاندەميامەن كۇرەسكە قازاقستان تاراپىنىڭ قوسقان ۇلەسى مەن كۇش-جىگەرىن جوعارى باعالايمىز. ەكى ەل اراسىنداعى دوستىق، تاتۋ كورشىلىك، وداقتاستىق جانە ستراتەگيالىق ارىپتەستىك الداعى ۋاقىتتا دا ءوزارا تۇسىنىستىك نەگىزدە دامي بەرەدى دەپ سەنەمىن»، - دەلىنگەن جەدەلحاتتا.

سوورونباي جەەنبەكوۆ قاسىم-جومارت توقايەۆقا زور دەنساۋلىق، مەملەكەتتىك قىزمەتىنە يگىلىك، ال، باۋىرلاس قازاق حالقىنا بەيبىتشىلىك پەن تابىس تىلەدى.


سوڭعى جاڭالىقتار