«مەن ورالدىم». مايك تايسون جانكۇيەرلەرىن جاتتىعۋىمەن تاڭعالدىردى

None
None
نۇر-سۇلتان. قازاقپارات - امەريكالىق تانىمال بوكسشى مايك تايسون Instagram-دا ءوزىنىڭ جاتتىعۋلارىن كورسەتىپ، رينگكە ورالعىسى كەلەتىنىن جازدى .

ۆيدەودان 54 جاستاعى سپورتشى ءوز باپكەرىمەن جاتتىعىپ، جاساعان جويقىن سوققىلارىن كورۋگە بولادى.

«ىسكە اقىلمەن كىرىسسەڭ، ءبارى مۇمكىن بولادى. اقىلمەن جاتتىعىڭىز. اقىلمەن قالىپقا كەلۋگە بولادى»، - دەپ جازدى تايسون ۆيدەونىڭ استىندا.

«مەن ورالدىم»، - دەدى بوكسشى ۆيدەونىڭ سوڭىندا.

ۆيدەو 1,5 ميلليوننان استام وقىرمانعا ۇناعان. ولار «ۆاۋ!»، «چەمپيون وسىندا!»، «تەمىر مايك» دەگەن پىكىر قالدىردى.

قازىر مايك تايسوننىڭ Instagram جەلىسىندە 10,5 ميلليون وقىرمانى بار.

ەسكە سالايىق، تايسون سوڭعى جەكپە- جەگىن 2005 -جىلعى 11 - ماۋسىمدا وتكىزدى. ول يرلانديانىڭ ورتا سالماقتاعى بوكسشىسى كيەۆين ماكبرايدپەن جۇدىرىقتاسىپ، جەڭىلىپ قالعان ەدى. 2019 -جىلدىڭ ساۋىرىندە بوكسشى رينگە ورالعىسى كەلەتىن جوسپارىن ايتقان بولاتىن.

Tengrinews.kz



سوڭعى جاڭالىقتار