يليا يلين قىزىلورداداعى «مۇز ايدىنى» سپورت كەشەنىنىڭ ديرەكتورى قىزمەتىنە تاعايىندالدى

None
None
قىزىلوردا. قازاقپارات - بەلگىلى اۋىر اتلەت يليا يلين سپورتتىق كارەراسىن اياقتادى. سپورتشى بۇگىن قىزىلوردا قالاسىنداعى «مۇز ايدىنى» سپورت كەشەنىنىڭ ديرەكتورى قىزمەتىنە كىرىستى، دەپ حابارلايدى قازاقپارات ءتىلشىسى.

يليا يلين 1988 -جىلى 24 - مامىردا قىزىلوردا قالاسىندا دۇنيەگە كەلگەن. اۋىر اتلەت 2005, 2006, 2011, 2014 -جىلدارى الەمنىڭ ءتورت دۇركىن چەمپيونى اتاعىنا يە بولدى. ەكى وليمپياداعا قاتىسىپ، جوعارى دەڭگەيدە ونەر كورسەتتى.

«بۇل شەشىمدى قابىلداۋ ماعان وڭايعا سوققان جوق. مەن توكيو وليمپياداسىنا قاتىسۋدى الدىما ماقسات ەتكەن ەدىم. دەگەنمەن اتالعان دودادا بەلگىلى سەبەپتەرگە بايلانىستى كەيىنگە شەگەرىلدى. سوندىقتان مەن سپورتشى رەتىندە كارەرامدى اياقتاپ، ەندى اتالعان سالادا قىزمەت اتقارۋدى دۇرىس دەپ سانادىم. وسىلايشا، سپورت سالاسىندا مەنەدجمەنت ماسەلەسىن جان- جاقتى مەڭگەرسەم دەيمىن. كەلەشەكتە باپكەرلىك قىزمەتكە كەلۋىم دە مۇمكىن. ونى ۋاقىت كورسەتە جاتار. قازىرگى ەڭ باستى مىندەتىم - جاڭا قىزمەتتە ءوزىمنىڭ قابىلەتىمدى جان- جاقتى كورسەتە ءبىلۋ»، - دەدى يليا يلين.

يليا ءيليندى قىزمەتكە تاعايىنداۋ بارىسىندا وبلىس اكىمىنىڭ ورىنباسارى سەرىك احمەت وبلىس جۇرتشىلىعى اتىنان جىلى لەبىز ءبىلدىردى. سىر ءوڭىرى جۇرتشىلىعى ءۇشىن تالانتتى سپورتشى قاي كەزدە دە بەدەلى بيىك ساڭلاق رەتىندە باعالانادى.

سوڭعى جاڭالىقتار