كارانتين رەجيمى ساقتالادى - الماتى جەدەل شتابى

بۇل رەتتە كارانتين رەجيمى اياسىنداعى شەكتەۋ شارالارى 11- مامىردان باستاپ شتابتىڭ ەرەكشە وكىمىنە دەيىن جالعاسادى. قالانىڭ پەريمەترى بويىنشا ورنالاسقان بلوكپوستتار جۇمىسى بۇرىنعى كۇشەيتىلگەن رەجيمدە جۇمىس ىستەيدى.

قالادا جۇرگەندە سانيتارلىق- ەپيدەميولوگيالىق قاۋىپسىزدىك نورمالارى قاتاڭ ساقتالۋعا ءتيىس. وعان قوسا شتابتىڭ شەشىمىمەن قالادا جۇمىسىنا رۇقسات ەتىلگەن كاسىپورىندار مەن مەكەمەلەردىڭ قىزمەتكەرلەرىنە عانا ءجۇرىپ-تۇرۋعا بولادى.

اتاپ ايتقاندا:

- مەملەكەتتىك جانە قۇقىق قورعاۋ ورگاندارى؛

- كوممۋنالدىق قىزمەتتەر؛

- ونەركاسىپ؛

- قۇرىلىس؛

- جوبالىق ۇيىمدار؛

- جىلجىمايتىن مۇلىك اگەنتتىكتەرى؛

- ح ق ك و (زاڭدى تۇلعالارعا قىزمەت كورسەتۋ ءۇشىن)؛

- نوتاريۋستار؛

- ادۆوكاتۋرا؛

- ازىق-تۇلىك دۇكەندەرى مەن بازارلار؛

- كافەلەر مەن مەيرامحانالار (وزىمەن الىپ كەتۋگە عانا بولادى)؛

- مەديتسينالىق كلينيكالار؛

- ستوماتولوگيا؛

- زەرتحانالار؛

- ءدارىحانا؛

- كولىك جانە لوگيستيكا؛

- ديستريبۋتسيا؛

- جانارماي قۇيۋ ستانسالارى؛

- ونلاين جەتكىزۋ؛

- ەكىنشى دەڭگەيدەگى بانكتەر جانە باسقا دا قارجى ۇيىمدارى (%50- عا دەيىن)؛

- ساقتاندىرۋ؛

- لومباردتار؛

- بيزنەسكە ارنالعان كاسىبي قىزمەتتەر (كونسالتينگ، اۋديت جانە بۋحگالتەرلىك قىزمەتتەر)؛

- اقپاراتتىق- كوممۋنيكاتسيالىق تەحنولوگيالار؛

- ازىق- تۇلىك ەمەس دۇكەندەر، جالپى اۋدانى 500 شارشى مەترگە دەيىن؛

- ت ق س، كولىك جۋۋ جانە شينومونتاجداۋ؛

- شاشتاراز؛

- فوتوسالوندار؛

- گۇل پاۆيلوندارى؛

- حيميالىق تازارتۋ (كىر جۋۋ ورىندارى)؛

- تەحنيكا جانە اياق كيىم جوندەۋ ورىندارى؛

- باسپا ۇيلەرى؛

- ايىرباستاۋ پۋنكتتەرى؛

- ۆەتەرينارلىق قىزمەت.

قوعامدىق كولىكتىڭ جۇمىس ءتارتىبى وزگەرىسسىز قالادى (ساعات 06.00 دەن 19.00 گە دەيىن).

«وسىعان بايلانىستى ازاماتتارعا كارانتين مەن سانيتارلىق- ەپيدەميولوگيالىق نورمالاردى قاتاڭ ساقتاۋ كەرەكتىگىن ەسكەرتەمىز. كارانتيندى بۇزۋ (قىزمەتتى رۇقساتسىز جۇزەگە اسىرۋ، ونىڭ ىشىندە جۇمىسقا شىعۋ) قازاقستان رەسپۋبليكاسىنىڭ زاڭناماسىندا كوزدەلگەن دەربەس جانە قىلمىستىق جاۋاپكەرشىلىككە اكەپ سوعادى»، - دەپ اتاپ ءوتتى جەدەل شتابتان.