تۇرسىنبەك قاباتوۆ: حالىق لوتەرەياعا قاتىسىپ، انشىلەردى وڭاي اقشا تابۋعا ۇيرەتكەن وزدەرى
ونىڭ ايتۋىنشا، حالىقتىڭ ءوزى ارزان دۇنيەگە قىزىعىپ، اقشا تابۋدى كوزدەيدى.
بۇل تۋرالى تۇرسىنبەك قاباتوۆ جەلىدەنى پاراقشاسىندا تىكەلەي ەفيردە ايتتى.
«لوتەرەيا دەپ جىر قىلاتىنداردى تۇسىنبەيمىن. نەگە وينايسىزدار؟ نەگە قاتىساسىزدار؟ سىزدەردى كۇشتەپ ويناتتى ما؟ ءوز ەركىلەرىڭزبەن ويناپ جۇرسىزدەر عوي. ونىڭ لوحوترون ەكەنىن بىلمەيسىزدەر مە؟ سىزدەرگە قاتىسپاساڭ، كونسەرتكە كىرمەيسىڭ دەدى مە؟ الدە باسشىلارىڭىز قاتىسپاساڭدار، جۇمىستان شىعاسىڭ دەپ كۇشتەتى مە؟ ءبارى ءوز ەرىكتەرىڭىزبەن جاسالىپ جاتىر عوي. سول ون مىڭ تەڭگەگە تاماق اكەلىپ، وتباسىڭىزبەن تاماقتانىپ وتىرمايسىزدار ما؟ ارتىق بولىپ بارا جاتسا، ساداقاعا بەرىڭىز، قايىرىمدىلىق قورىنا اۋدارىڭىز سول كەزدە لوتورەيادان دا كوپ اقشا ۇتاسىز. 5 مىڭ بەرسەڭىز، 5 ميلليون بولىپ قايتادى. لوتەرەيا دەگەن وسى»، - دەپ رەنجىدى قاباتوۆ.
اكتەردىڭ ايتپاعى، حالىق لوتەرەيا، ۇتىس، ناۋقان دەگەن ارزان ويىندارعا جولاماسىن. ارزان اقشا تابۋدى كوزدەمەسىن. سول كەزدە انشىلەر دە، باسقالار ۇتىس ويناتۋدى دوعارادى.
«وزدەرىڭىز قاتىساسىزدار، سوسىن ناتيجە بولماعان سوڭ اقشامنان ايىرىلدىم دەپ شىعاسىزدار. ودان كەيىن شەگىرتكە دەسە، شەگىرتكە دەپ، كىم نە ايتسا، سونىڭ سوڭىنان ەرەسىزدەر. ءبىر قۇمالاق ءبىر قارىن مايدى شىرىتەدى»، - دەدى ول.
تىكەلەي ەفيردە وتىرعان جەلى قولدانۋشىلارى تۇرسىنبەكتىڭ ءسوزىن قوستاپ، پىكىر جازدى.
«دۇرىس ايتاسىز، حالىقتىڭ ءوزى كىنالى»، «حالىق انشىلەرگە سەنۋ كەرەك ەكەن دەپ ويلايدى. سوسىن ايتقانىنا سەنەدى. قارا حالىقتىڭ ءارقايسىسىنا ءتۇسىندىرۋ مۇمكىن ەمەس»، «ەندى لوتو ويناتاتىندار ازايار»، «دۇرىس ايتتىڭىز، ەشكىم ويناماسا، انشىلەر دە دوعارادى»، دەدى ولار.