14:36, 06 - مامىر 2020 | GMT +6
مەدبيكە ماسكادان حيميالىق كۇيىك العان
الماتى. قازاقپارات - رەسەيدىڭ ۆلاديمير وبلىسىندا مەدبيكە ماسكا تاققاننان بەتىندە حيميالىق كۇيىك پايدا بولعانىن ايتتى.
ونىڭ ايتۋىنشا، ءوزى جۇمىس ىستەيتىن اۋرۋحانانىڭ اكىمشىلىگى قورعانىس زاتتارىن قايتا پايدالانۋ ءۇشىن دەزينفەكسيادان وتكىزەدى ەكەن.
ولگا وۆيننيكوۆا ەسىمدى قىز Instagram جەلىسىندەگى پاراقشاسىندا ءوزىنىڭ فوتوسىن جاريالاعان. وندا قىزدىڭ بەتىندەگى قىزىق داقتاردى كورۋگە بولادى.
ول ەكىنشى دەڭگەيدەگى حيميالىق كۇيىك العانىن جانە اۋرۋحانادا ءبىر رەت پايدالانۋعا ارنالعان حيميالىق قورعانىس كيىمدەرىنىڭ حلوركامەن تازارتىلىپ، قايتادان پايدالانىلاتىنىن ايتقان.
مەدبيكە جەلى قولدانۋشىلارىنىڭ بىرىنە كۇيىك ماڭدايىندا پايدا بولماعانىن دا ايتقان. سەبەبى قورعانىس كيىمدەرى بەتپەردەگە قاراعان دا جاقسى تازالانعان.
ريا نوۆوستي ەلدىڭ تەرگەۋ ورگاندارى قىزدىڭ الەۋمەتتىك جەلىدەگى جازباسىنا قاتىستى تەكسەرىس جۇرگىزىپ جاتقانىن حابارلادى.